കല്‍പ്പറ്റ: കഴിഞ്ഞ ദിവസത്തെ ശക്തമായ കാറ്റിലും മഴയിലും മണിയങ്കോട് കോക്കുഴിയില്‍ വന്‍ കൃഷി നാശം.
നേന്ത്രവാഴകളും കപ്പ കൃഷിയുമാണ് പ്രധാനമായും നിലംപൊത്തിയത്. കര്‍ഷകരായ കോക്കുഴി നീലകണ്ഡന്‍, രാജന്‍, സതീശന്‍ എന്നീ കര്‍ഷകരുടെ കൃഷിയാണ് നശിച്ചത്. ആയിരത്തിലധികം നേന്ത്രവാഴകളും ഇരുന്നൂറോളം മുരട് കപ്പയും നശിച്ചു.
മുളച്ച് മൂപ്പെത്താത്ത വാഴകളാണ് കാറ്റില്‍ ഒടിഞ്ഞ് വീണത്. നീലകണ്ഠന്റെ മാത്രം 600 വാഴകള്‍ നശിച്ചു. ഒരു മണിക്കൂര്‍ നേരമാണ് ശക്തമായ കാറ്റ് ആഞ്ഞ് വീശിയത്. കൃഷി നാശത്തിന് നഷ്ട പരിഹാരം നല്‍കണമെന്നാണ് കര്‍ഷകരുടെ ആവശ്യം.