വള്ളിക്കുന്ന്: ഗ്രാമപഞ്ചായത്തിലെ കടലുണ്ടി നഗരം ആനങ്ങാടി ജി.എഫ്.എല്‍ .പി സ്‌കൂളില്‍ 1921 മുതല്‍ നിലനില്‍ക്കുന്ന മുസ്‌ലിം കലണ്ടര്‍ മാറ്റിയതുമായി ബന്ധപ്പെട്ട് രക്ഷിതാക്കളുടെ ശക്തമായ പ്രതിഷേധത്തിനിടെ വിളിച്ച് ചേര്‍ത്ത പി.ടി.എ യോഗത്തില്‍ നിലവിലെ മുസ്‌ലിം കലണ്ടര്‍ തന്നെ നിലനിര്‍ത്താന്‍ തീരുമാനമായി.
പരപ്പനങ്ങാടി ഉപജില്ല എ.ഇ.ഒ, ഗ്രാമപഞ്ചായത്ത് പ്രസിഡന്റ് പി.എന്‍ ശോഭന, വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ ഇ.ദാസന്‍, ജനപ്രതിനിധികള്‍, പി.ടി.എ പ്രസിഡന്റ്, തുടങ്ങിയവരുടെ സാന്നിധ്യത്തില്‍ നടന്ന പി.ടി.എ യോഗത്തിലാണ് നിലവിലെ കലണ്ടര്‍ തന്നെ തുടരാന്‍ തീരുമാനമായത്.