വാഷിങ്ടണ്‍: ഏഴാം വയസില്‍ ഇന്ത്യയില്‍ വച്ചു ലൈംഗിക ആക്രമണത്തിന് ഇരയായിട്ടുണ്ടെന്ന് ഇന്ത്യന്‍ വംശജയായ യു.എസ് നടി പദ്മലക്ഷ്മി. പതിനാറാം വയസില്‍ മാനഭംഗത്തിന് ഇരയായിട്ടുണ്ടെന്നും അവര്‍ പറഞ്ഞു. ന്യൂയോര്‍ക്ക് ടൈംസില്‍ എഴുതിയ കോളത്തില്‍ പദ്മലക്ഷ്മി വെളിപ്പെടുത്തി. സാഹിത്യകാരന്‍ സല്‍മാന്‍ റുഷ്ദിയുടെ മുന്‍ ഭാര്യയാണ് പദ്മലക്ഷ്മി. യുഎസ് സുപ്രിംകോടതി നോമിനിയായ ബ്രെറ്റ് കാവൗഗിനെതിരായ ലൈംഗികാരോപണം വര്‍ഷങ്ങളോളം പുറത്തുവരാതിരുന്നതിനെ പരാമര്‍ശിച്ചതാണ് ചെറുപ്പത്തില്‍ തനിക്കുണ്ടായ ദുരനുഭവം പദ്മലക്ഷ്മി വിവരിക്കുന്നത്.