ചിക്മംഗളൂരു (കര്‍ണാടക): മതപ്രചാരണ രംഗത്ത് ഇബാദിന്റെ പ്രവര്‍ത്തനം ശ്ലാഘനീയമാണെന്നു പാണക്കാട് സയ്യിദ് ഹമീദലി ശിഹാബ് തങ്ങള്‍. എസ്.കെ.എസ്.എസ്.എഫ് കര്‍ണാടക ഘടകം ഇബാദ് സമിതി നടത്തുന്ന 'ഇശാഅ 1440' ത്രൈമാസ കാംപയിന്റെ സംസ്ഥാനതല ഉദ്ഘാടനം മൂടിഗരയില്‍ നിര്‍വഹിക്കുകയായിരുന്നു അദ്ദേഹം.
ഇബ്രാഹിം ബാദുഷ തങ്ങള്‍ പ്രാര്‍ഥന നടത്തി. സമസ്ത കേന്ദ്ര മുശാവറ അംഗം എം.എ ഖാസിം മുസ്‌ലിയാര്‍ അധ്യക്ഷനായി. സമസ്ത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ ഇഷാഅയുടെ മൂന്നു മാസത്തെ കര്‍മപദ്ധതികള്‍ പ്രഖ്യാപിച്ചു. അഹ്മദ് നസീല്‍ ലത്വീഫി കുന്താപുര, മുഹമ്മദ് റഫീഖ് ഹുദവി കോളാര്‍, അനീസ് കൗസരി, സദഖത്തുല്ല ഫൈസി, സി.കെ അഹ്മദ് ഹാജി, അബ്ദുറഹ്മാന്‍ നദ്‌വി, അമീര്‍ തങ്ങള്‍ കിനിയ, ആരിഫ് ഫൈസി, അബൂബക്കര്‍ സിദ്ദീഖ് ഹാജി, നൗഷാദ് ഫൈസി, റിയാസ് ഫൈസി, ഇബ്രാഹിം ബാദുഷ, എം. തംലീഖ് ദാരിമി, അബ്ദുറസാഖ് ഫൈസി സംസാരിച്ചു.