കെ.എസ്.എഫ്.ഇയിലെ 35 ശാഖകളില്‍ ക്രമക്കേട് കണ്ടെത്തിയെന്നു പരിശോധന നടത്തിയ ഉദ്യോഗസ്ഥര്‍ റിപ്പോര്‍ട്ട് നല്‍കി. കെ.എസ്.എഫ്.ഇ ചിട്ടിയില്‍ അഞ്ച് ക്രമക്കേടുകള്‍ നടക്കുന്നതായാണ് വിജിലന്‍സിന്റെ രഹസ്യാന്വേഷണ വിഭാഗം കണ്ടെത്തിയത്.

 ഇതില്‍ ഏതെങ്കിലും ഒന്ന് പരിശോധനയില്‍ കണ്ടെത്തിയാല്‍ വിജിലന്‍സ് ഉദ്യോഗസ്ഥന്‍ ഇക്കാര്യം രേഖാമൂലം വിജിലന്‍സ് ഡയറക്ടറേറ്റിനെ അറിയിക്കണം. ഇങ്ങനെ 35 ശാഖകളില്‍ ക്രമക്കേട് ഉണ്ടെന്നാണ് വിജിലന്‍സ് പ്രാഥമിക റിപ്പോര്‍ട്ട്. ക്രമക്കേടിന്റെ വിശദാംശങ്ങള്‍, ആരൊക്കെ കുറ്റക്കാര്‍, എടുക്കേണ്ട നടപടി, തുടങ്ങിയ കാര്യങ്ങളാണ് അന്തിമ റിപ്പോര്‍ട്ടില്‍ വ്യക്തമാക്കുന്നത്. ഇത് എസ്.പിമാര്‍ മുഖേന ഡയറക്ടറേറ്റിലെത്താന്‍ രണ്ടാഴ്ചയെങ്കിലും എടുക്കും. 

അതിനാല്‍ ' ഓപറേഷന്‍ ബച്ചത്തിന്റെ ' ക്രോഡീകരിച്ച റിപ്പോര്‍ട്ട് ആഭ്യന്തരവകുപ്പിലെത്താന്‍ ഇനിയും സമയമെടുക്കും.