കോഴിക്കോട്: രോഗികള്‍ക്കും മെഡിക്കല്‍ ഷോപ്പ് ഉടമയ്ക്കും ഇടയിലെ വിശ്വസ്ത ഏജന്റാണ് ഫാര്‍മസിസ്റ്റുകളെന്നും രോഗികളുടെ ആരോഗ്യം കച്ചവട താല്‍പര്യങ്ങള്‍ക്കതീതമായി സംരക്ഷിക്കേണ്ട ബാധ്യതകൂടി ഫാര്‍മസിസ്റ്റുകള്‍ക്കുണ്ടെന്നും മന്ത്രി എ.കെ ശശീന്ദ്രന്‍. സംസ്ഥാന ഫാര്‍മസി കൗണ്‍സിലിന്റെ നേതൃത്വത്തില്‍ സംഘടിപ്പിച്ച ലോക ഫാര്‍മസിസ്റ്റ് ദിനാചരണത്തിന്റെ ഉദ്ഘാടനം കോഴിക്കോട് ടൗണ്‍ ഹാളില്‍ നിര്‍വഹിച്ചു സംസാരിക്കുകയായിരുന്നു അദ്ദേഹം. ചില മെഡിക്കല്‍ ഷോപ്പുകളില്‍ ഫാര്‍മസിസ്റ്റുകളുടെ മേല്‍നോട്ടം വേണ്ടത്ര ലഭിക്കുന്നില്ലെന്നും അദ്ദേഹം പറഞ്ഞു.
സംസ്ഥാന ഫാര്‍മസി കൗണ്‍സില്‍ പ്രസിഡന്റ് ഒ.സി നവീന്‍ചന്ദ് അധ്യക്ഷനായി. ടി. സതീശന്‍, വി.ആര്‍ രാജീവ്, ടി.പി രാജീവന്‍, എം.ആര്‍ അജിത് കിഷോര്‍, ഗലീലിയോ ജോര്‍ജ്, സുജിത്, പ്രൊഫ. കെ. ആമിന അലി, പ്രൊഫ. അജ്ഞന ജോണ്‍, ഡോ. സുജിത് അബ്രഹാം, ഡോ. ഹരികൃഷ്ണന്‍, ശോശാമ്മ, പി. പ്രവീണ്‍, എം.കെ പ്രേമാനന്ദന്‍, ഡോ. സി.ആര്‍ ബിജു, ജയന്‍ കോറോത്ത്, കെ. ഗിരീശന്‍ സംസാരിച്ചു.