ആലുവ : നഗരത്തിലെ വിദ്യാഭ്യാസ സ്ഥാപനങ്ങള്‍ കേന്ദ്രീകരിച്ച് വിദ്യാര്‍ഥികള്‍ക്ക് ലഹരി ഗുളികള്‍ വില്‍പ്പന നടത്തുന്ന യുവാവിനെ ആലുവ ഈസ്റ്റ് പൊലിസിന്റെ പിടിയിലായി.
കോഴിക്കോട് അരക്കിണര്‍ നടുവട്ടം സ്വദേശി ശ്രീദര്‍ശിനേയാണു എസ്.ഐ. എം.എസ് .ഫൈസലിന്റെ നേതൃത്വത്തിലുള്ള സംഘം ആലുവ റെയില്‍വേ സ്റ്റേഷന്‍ പരിസരത്തു നിന്നു പിടികൂടിയത്.
സേലത്ത് ബി.ടെക്ക് വിദ്യാര്‍ഥിയായ പ്രതി അവിടെ നിന്നുമാണു 42 സ്ട്രിപ്പ് നൈട്രോസെപ്പാന്‍ ഗുളികകളും, പത്ത് ഗ്രാം ഹഷീഷും, ഒരു ഗ്രാം ഹഷീഷ് ഓയിലുമാണ് വില്‍പ്പനയ്ക്കായി കടത്തി കൊണ്ട് വന്നത്. കാന്‍സര്‍ രോഗികള്‍ക്ക് വേദനസംഹാരിയായി ഉപയോഗിക്കുന്ന ഗുളികയാണ് നൈട്രോസെപ്പാന്‍. കൂട്ടുപ്രതികളെ പറ്റി കൂടുതല്‍ അന്വേഷണം നടത്തിവരികയാണെന്നും പൊലിസ് അറിയിച്ചു.
ആലുവ ഈസ്റ്റ് പൊലിസ് സ്റ്റേഷന്‍ ഓഫിസര്‍ വിശാല്‍ ജോണ്‍സണിനു ലഭിച്ച രഹസ്യ സന്ദേശത്തെ തുടര്‍ന്ന് നടത്തിയ പരിശോധനയില്‍ എസ്.ഐ മുഹമ്മദ് ബഷീര്‍ ,എസ,.സി.പി ഒ ഉണ്ണി, ഡ്രൈവര്‍ എസ.സി.പി ഒ. മുഹമ്മദാലി, ഷെമീര്‍, നവാദ് എന്നിവരും പൊലിസ് സംഘത്തിലുണ്ടായിരുന്നു.