ചവറ: ഭിന്നശേഷിക്കാരന്‍ താമസിച്ചിരുന്ന വീട് കത്തി നശിച്ചു. രക്ഷാപ്രവര്‍ത്തനത്തിനിടിയില്‍ നാട്ടുകാരായ നാലുപേര്‍ക്ക് പരുക്കേറ്റു. തെക്കുംഭാഗം നടുവത്ത്‌ചേരി ഉമ്മരിയിയില്‍ വീട്ടില്‍ ശശിധരന്‍പിളളയു(65)ടെ വീടാണ് കത്തി നശിച്ചത്. മനു, വിഷ്ണു,സുനിത, ശ്രീകുമാര്‍ എന്നിവര്‍ക്കാണ് പരുക്കേറ്റത്. കഴിഞ്ഞ ദിവസം രാത്രി 8.30ഓടെയായിരുന്നു സംഭവം. വീട്ടിനുളളില്‍ നിന്ന് തീയും പുകയും ഉയരുന്നത് കണ്ട നാട്ടുകാര്‍ ഓടിക്കൂടിയ നാട്ടുകാര്‍ വീട്ടിനുളളില്‍ കട്ടിലില്‍ കിടന്ന ശശിധരന്‍പിളളയെ രക്ഷപെടുത്താന്‍ ശ്രമിക്കുമ്പോഴായിരുന്നു നാല് പേര്‍ക്ക് പരുക്കേറ്റത്. വിവരമറിഞ്ഞ് ചവറയില്‍ നിന്നും എത്തിയ അഗ്നിശമന സേനയും നാട്ടുകാരും ചേര്‍ന്ന് തീയണക്കുകയായിരുന്നു. വൈദ്യുതിയും ഗ്യാസും ഇല്ലാത്ത വീട്ടിലെ അടുക്കളയില്‍ നിന്നാകാം തീ പടര്‍ന്ന് പിടിച്ചതെന്നാണ് പ്രാഥമിക നിഗമനം. ഫയര്‍ സ്റ്റേഷന്‍ ഓഫിസര്‍ സുനില്‍കുമാര്‍, സേനാംഗങ്ങളായ ഷാജഹാന്‍,നിസാറുദീന്‍, നാസിം അരുണ്‍ ബാബു എന്നിവര്‍ രക്ഷാപ്രവര്‍ത്തിന് നേതൃത്വം നല്‍കി.