റിയാദ്: സഊദിയുടെ കിഴക്കന്‍ പ്രവിശ്യയില്‍ സുരക്ഷാ സേനയുമായുണ്ടായ ഏറ്റുമുട്ടലില്‍ പിടികിട്ടാപുള്ളികളായി പ്രഖ്യാപിക്കപ്പെട്ട മൂന്നു തീവ്രവാദികള്‍ കൊല്ലപ്പെട്ടു. ശീഈകള്‍ തിങ്ങി താമസിക്കുന്ന ഖത്തീഫില്‍ ബുധനാഴ്ച നടന്ന ഏറ്റുമുട്ടല്‍ വിവരം വ്യാഴാഴ്ചയാണ് സഊദി സുരക്ഷാ സേന പുറത്തു വിട്ടത്. മധ്യ ഖതീഫിലെ അല്‍ ക്വിക്വീബിലാണ് സംഭവം. 

തീവ്രവാദികള്‍ ഒണ്ടെന്നറിഞ്ഞു സ്ഥലം വളഞ്ഞ സുരക്ഷ സൈനികര്‍ ഇവരോട് കീഴടങ്ങാന്‍ ആവശ്യപ്പെട്ടെങ്കിലും നിരസിച്ചു സുരക്ഷാ സേനക്ക് നേരെ വെടിയുതിര്‍ക്കുകയായിരുന്നുവെന്ന് സേന അറിയിച്ചു. സഊദി പൗരന്മാരായ മുഹമ്മദ് ഹസാ അഹ്മദ് അല്‍ സായിദ്, മൗഫീദ് ഹംസ അലി അല്‍വാന്‍, ഖലീല്‍ ഇബ്രാഹിം ഹസ്സന്‍ അല്‍ മുസ്‌ലിം എന്നിവരാണ് കൊല്ലപ്പെട്ടത്. സുരക്ഷ സേനാംങ്ങള്‍ക്ക് ഏറ്റുമുട്ടലില്‍ പരിക്കേറ്റു.