കരുനാഗപ്പള്ളി: കരുനാഗപ്പള്ളി താലൂക്ക് മര്‍ച്ചന്റസ് അസോസിയേഷന്‍ 42-ാമത് വാര്‍ഷിക സമ്മേളനം ഐ.എം.എ ഹാളില്‍ നടന്നു. സമ്മേളനം ആര്‍ രാമചന്ദ്രന്‍ എം.എല്‍.എ ഉദ്ഘാടനം ചെയ്തു. സാമൂഹ്യ സേവന രംഗത്ത് താലൂക്ക് മര്‍ച്ചന്റ്‌സ് അസോസിയേഷന്‍ നടത്തി വരുന്ന പ്രവര്‍ത്തനങ്ങള്‍ ശ്രദ്ധേയമാണന്ന് എം.എല്‍.എ പറഞ്ഞു. മര്‍ച്ചന്റ്‌സ് അസോസിയേഷന്‍ താലൂക്ക് പ്രസിഡന്റ് ഇ.അബ്ദുല്‍ റസാഖ് രാജധാനി അധ്യക്ഷനായി. കേരളാ വ്യാപാരി വ്യവസായി ഏകോപന സമിതി സംസ്ഥാന സെക്രട്ടറി എസ് ദേവരാജന്‍ പ്രതിനിധി സമ്മേളനം ഉദ്ഘാടനം ചെയ്തു. ജില്ലാ സെക്രട്ടറി മുഖ്യ പ്രഭാഷണവും പഠനോപകരണങ്ങളുടെ വിതരണവും നിര്‍വഹിച്ചു.
എസ്.എസ്.എല്‍.സി പരീക്ഷയില്‍ എല്ലാ വിഷയങ്ങള്‍ക്കും എ പ്ലസ് നേടിയ അമ്പത് കുട്ടികള്‍ക്ക് കാഷ് അവാര്‍ഡ് പോച്ചയില്‍ നാസര്‍, ആശാസാബു എന്നിവര്‍ ചേര്‍ന്ന് നിര്‍വ്വഹിച്ചു. സെക്രട്ടറി പി.ആര്‍ ഹരികൃഷ്ണന്‍ പ്രവര്‍ത്തന റിപ്പോര്‍ട്ടും, ട്രഷറര്‍ മുനീര്‍വേലിയില്‍ കണക്കും അവതരിപ്പിച്ചു. സംഘടനയുടെ സംസ്ഥാന ജില്ലാ നേതാക്കന്മാരായ കെ.ജെ മേനോന്‍, എ.കെ ഷാജഹാന്‍, വാവാച്ചന്‍, റ്റി.കെ സദാശിവന്‍, കാട്ടൂര്‍ ബഷീര്‍, എ അജിത്കുമാര്‍, ബി രാജീവ്, പുളിമൂട്ടില്‍ ബാബു സംസാരിച്ചു.
ഭാരവാഹികളായി ഇ.അബ്ദുല്‍ റസാഖ് രാജധാനി (പ്രസിഡന്റ്), വി.ആര്‍ ഹരികൃഷ്ണന്‍, സുനില്‍ തോമസ്, അഫ്‌സല്‍(വൈ.പ്രസിഡന്റ്), പുളിമൂട്ടില്‍ ബാബു (ജന. സെക്രട്ടറി), സക്കീര്‍ ഹുസൈന്‍, ശ്രീജിത്ത്, രാജീവ്‌ശേഖര്‍ (സെക്രട്ടറി), എം.എം ഷെരീഫ് (ട്രഷറര്‍) എന്നിവരെ തെരഞ്ഞെടുത്തു.