ദമാം: ആസന്നമായ ത്രിതല പഞ്ചായത്ത് തെരഞ്ഞെടുപ്പിൽ വിവേചനമില്ലാത്ത വികസനം എന്ന മുദ്രാവാക്യം ഉയർത്തി തിരഞ്ഞെടുപ്പിൽ മത്സരിക്കുന്ന എസ്.ഡി.പി.ഐ സ്ഥാനാർത്ഥികളെ വിജയിപ്പിക്കണമെന്ന് ഇന്ത്യൻ സോഷ്യൽ ഫോറം ദമാമിൽ സംഘടിപ്പിച്ച തിരഞ്ഞെടുപ്പ് കൺവെൻഷൻ അഭ്യർത്ഥിച്ചു. പാരഗൺ ഓഡിറ്റോറിയത്തിൽ സംഘടിപ്പിച്ച പരിപാടി ഇന്ത്യൻ സോഷ്യൽ ഫോറം സെൻട്രൽ കമ്മിറ്റി സെക്രട്ടറി നമീർ ചെറുവാടി ഉദ്ഘാടനം ചെയ്തു.

    ദമാം ബ്ലോക്ക് പ്രസിഡന്റ് മൻസൂർ ആലംകോട് അധ്യക്ഷത വഹിച്ചു. സിറാജുദ്ദീൻ വെഞ്ഞാറമൂട് മുഖ്യ പ്രഭാഷണം നടത്തി. പ്രോഗ്രാം കൺവീനർ അഹമ്മദ് യൂസുഫ്, ഖത്തീഫ് ബ്ലോക്ക് പ്രസിഡന്റ് ഷാഫി വെട്ടം സംസാരിച്ചു. ഷെരീഫ് കുറ്റിപ്പുറം, അഫ്‌നാസ് കണ്ണൂർ, ഷാജഹാൻ കൊല്ലം, നാസർ പൂക്കോട്ടൂർ, ഷംനാദ് കൊല്ലം, മിർഷാദ് വെഞ്ഞാറമൂട്, റഹീസ് കടവിൽ നേതൃത്വം നൽകി.