മുക്കം: സ്വന്തമായി തലചായ്ക്കാന്‍ കൂരയില്ലാതെ വാടക വീട്ടില്‍ കഴിയുന്ന കാരശ്ശേരി ഹിദായത്തുസ്സിബിയാന്‍ മദ്‌റസയിലെ എട്ടാം ക്ലാസ് വിദ്യാര്‍ഥിയായ സഗീറിനൂം മൂന്നാം ക്ലാസ് വിദ്യാര്‍ഥിയായ ശിഫാനക്കും സഹപാഠികളുടേയും നാട്ടുകാരുടേയും നേതൃത്വത്തില്‍ വീടൊരുങ്ങുന്നു.
എസ്.കെ.എസ്.ബി.വിയുടെ നേതൃത്വത്തിലാണ് വീടിന്റെ പണി പുരോഗമിക്കുന്നത്. വീടിന്റെ കട്ടിലവയ്ക്കല്‍ കര്‍മം വി.ഇ മോയിമോന്‍ ഹാജി നര്‍വഹിച്ചു. മഹല്ല് പ്രസിഡന്റ് ഡോ. എന്‍.എം.അബ്ദുള്‍ മജീദ് അധ്യക്ഷനായി. മുഹമ്മദ് ശരീഫ് അന്‍വരി, യു.പി.സി. മുഹമ്മദ് മുസ്‌ലിയാര്‍, വി.പി അബ്ദുറഹിമാന്‍, നടുക്കണ്ടി അബൂബക്കര്‍, എന്‍.പി.കാസിം, കെ.പി.ഇമ്പിച്ചാലി, ഇല്ലക്കണ്ടി ബഷീര്‍, ഇസ്ഹാഖ് കാരശ്ശേരി, മേച്ചേരി ഇസ്മായില്‍ സംസാരിച്ചു.