മണ്ണഞ്ചേരി : നിരവധി ക്രിമിനല്‍ കേസുകളില്‍ പ്രതികളായ മൂന്നംഗ ഗുണ്ടാസംഘം പിടിയില്‍. മണ്ണഞ്ചേരി പഞ്ചായത്തില്‍ 14 -ാം വാര്‍ഡില്‍ കണ്ണന്തറവെളിയില്‍ കണ്ണന്‍ (കാട്ടിക്കണ്ണന്‍-36), കഞ്ഞിക്കുഴി കണ്ണാര്‍കാട് കോളനിയില്‍ വിഷ്ണു (കരി വിഷ്ണു -26), മുഹമ്മ പഞ്ചായത്തില്‍ 14 -ാം വാര്‍ഡില്‍ കപ്പോള ലക്ഷം വീട്ടില്‍ അമ്പിളികുമാര്‍ (24) എന്നിവരാണ് പിടിയിലായത്.
വ്യാഴാഴിച്ച രാത്രി ആലപ്പുഴ കുതിരപ്പന്തിയില്‍ നിന്നാണ് എസ്.ഐ രാജന്‍ബാബുവിന്റെ നേതൃത്വത്തിലുള്ള  പൊലിസ് സംഘം ഇവരെ  പിടികൂടിയത്. മണ്ണഞ്ചേരി വരകാടിവെളിയില്‍ പീതാംബരന്റെ മകന്‍ പ്രദീപിനെ വധിക്കാന്‍ശ്രമിച്ച കേസിലാണ് ഇവര്‍ പിടിയിലായത്.
കാട്ടികണ്ണന്‍ നിരവധി ലഹരി വില്‍പ്പന കേസിലും അമ്പിളികുമാറും വിഷ്ണുവും മാരാരിക്കുളം, മുഹമ്മ സ്റ്റേഷനുകളില്‍ വധശ്രമം ഉള്‍പ്പടെ  10 ഓളം കേസുകളിലും പ്രതികളാണ്.
കോടതിയില്‍ ഹാജരാക്കിയ ഇവരെ 14 ദിവസത്തേക്ക് റിമാന്റു ചെയ്തു.