ഭോപ്പാല്‍: രാഹുല്‍ ഗാന്ധി അധ്യക്ഷ സ്ഥാനം രാജിവച്ചതോടെ കോണ്‍ഗ്രസ് കടുത്ത പ്രതിസന്ധി നേരിടുകയാണെന്ന് ജ്യോതിരാദിത്യ സിന്ധ്യ. പ്രതിസന്ധി ഘട്ടത്തില്‍ പാര്‍ട്ടിയെ മുന്നോട്ടുനയിക്കാന്‍ പ്രവര്‍ത്തകരുടെ കൂട്ടായ പ്രയത്‌നം ആവശ്യമാണെന്നും അദ്ദേഹം പറഞ്ഞു. കോണ്‍ഗ്രസ് ഇപ്പോള്‍ പരീക്ഷണങ്ങളെ നേരിട്ടുകൊണ്ടിരിക്കുകയാണ്. ഈ സാഹചര്യത്തില്‍ ശക്തനായ ഒരു നേതാവ് അധ്യക്ഷ സ്ഥാനത്ത് വരേണ്ടതുണ്ട്. ഊര്‍ജസ്വലനായ ഒരു നേതാവിനുമാത്രമേ പ്രതിസന്ധി ഘട്ടത്തില്‍ പാര്‍ട്ടിയെ നയിക്കാന്‍ കഴിയൂവെന്ന് സിന്ധ്യ പറഞ്ഞു.
എല്ലാ പ്രവര്‍ത്തകരും പാര്‍ട്ടിയെ ശക്തിപ്പെടുത്താന്‍ ഒരുമിച്ച് പ്രവര്‍ത്തിക്കേണ്ടതുണ്ടെന്നും രാഹുലിന്റെ വഴിയില്‍ പാര്‍ട്ടിയെ കൊണ്ടുപോകണമെന്നും അദ്ദേഹം ആവശ്യപ്പെട്ടു.