HOME
DETAILS

മാനവികതയുടെ വെളിച്ചം കെടുത്തുന്നവര്‍ നാടിനെ നയിക്കുന്നത് ഇരുട്ടിലേക്ക്: സെബാസ്റ്റ്യന്‍ പോള്‍

  
backup
May 25 2017 | 22:05 PM

%e0%b4%ae%e0%b4%be%e0%b4%a8%e0%b4%b5%e0%b4%bf%e0%b4%95%e0%b4%a4%e0%b4%af%e0%b5%81%e0%b4%9f%e0%b5%86-%e0%b4%b5%e0%b5%86%e0%b4%b3%e0%b4%bf%e0%b4%9a%e0%b5%8d%e0%b4%9a%e0%b4%82-%e0%b4%95%e0%b5%86%e0%b4%9f

 

 


മേപ്പയ്യൂര്‍: മാനവികതയുടെ വെളിച്ചം കെടുത്താന്‍ ശ്രമിക്കുന്നവര്‍ രാജ്യത്തെ ഇരുട്ടിലേക്കാണ് നയിക്കുന്നതെന്ന് ഡോ. സെബാസ്റ്റ്യന്‍ പോള്‍. തങ്ങളെ പിന്തുണക്കാനും ദാസ്യവേല ചെയ്യാനും തയാറാകാത്ത എഴുത്തുകാരെയും ആക്ടിവിസ്റ്റുകളെയും സ്വതന്ത്ര ആവിഷ്‌കാരങ്ങളെയും ഭയക്കുന്ന ഫാസിസ്റ്റുകള്‍ ഭരണഘടനയെയും നിയമവാഴ്ചയെയുമാണ് വെല്ലുവിളിക്കുന്നത്.
മനുഷ്യന്റെ ക്ഷേമത്തെക്കുറിച്ച് ചര്‍ച്ച ചെയ്യേണ്ട വേദികളില്‍ പശുവിനെക്കുറിച്ച് ചര്‍ച്ച ചെയ്യുന്ന നാടായി ഭാരതം മാറിയിരിക്കുന്നുവെന്നും അദ്ദേഹം ചൂണ്ടിക്കാണ്ടി.
സി.പി.ഐ (എം) മേപ്പയ്യൂര്‍ ടൗണ്‍ സൗത്ത് ബ്രാഞ്ച് സംഘടിപ്പിച്ച സാംസ്‌കാരിക പ്രതിരോധം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഡോ. എം.എ സിദ്ദീഖ് മുഖ്യപ്രഭാഷണം നടത്തി. സൗത്ത് ലോക്കല്‍ സെക്രട്ടറി കെ. രാജീവന്‍ അധ്യക്ഷനായി.
ചലച്ചിത്ര സംവിധായകന്‍ മനോജ് കാന, ബ്ലോക്ക് പഞ്ചായത്ത് പ്രസിഡന്റ് കെ. കുഞ്ഞിരാമന്‍, മേപ്പയ്യൂര്‍ പഞ്ചായത്ത് പ്രസിഡന്റ് പി. കെ റീന, സി.പി അബൂബക്കര്‍, മുഹമ്മദ് പേരാമ്പ്ര, സൗത്ത് ബ്രാഞ്ച് സെക്രട്ടറി എ.സി അനൂപ് സംസാരിച്ചു. പറയ സമുദായത്തിന്റെ അനുഷ്ഠാന കലയായ പുലിക്കളി, നാടന്‍ പാട്ടുകള്‍, നാടകം എന്നിവ അവതരിപ്പിച്ചു.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."