HOME
DETAILS

ജനവിധി പോരാ മലപ്പുറത്തെ ആറിടത്തെ അധ്യക്ഷന്മാരെ കണ്ടെത്താന്‍ കോടതി കനിയണം

  
backup
December 13 2020 | 04:12 AM

%e0%b4%9c%e0%b4%a8%e0%b4%b5%e0%b4%bf%e0%b4%a7%e0%b4%bf-%e0%b4%aa%e0%b5%8b%e0%b4%b0%e0%b4%be-%e0%b4%ae%e0%b4%b2%e0%b4%aa%e0%b5%8d%e0%b4%aa%e0%b5%81%e0%b4%b1%e0%b4%a4%e0%b5%8d%e0%b4%a4%e0%b5%86


മലപ്പുറം: തദ്ദേശ വിധി എഴുത്ത് നാളെ നടക്കുമെങ്കിലും മലപ്പുറം ജില്ലയിലെ ആറ് തദ്ദേശ സ്ഥാപനങ്ങളുടെ അധ്യക്ഷ സംവരണം സംബന്ധിച്ചു തീരുമാനമാകണമെങ്കില്‍ ഹൈക്കോടതി ഡിവിഷന്‍ ബെഞ്ചിന്റെ വിധി വരണം. മലപ്പുറം ജില്ലാപഞ്ചായത്ത്, കൊണ്ടോട്ടി, മഞ്ചേരി നഗരസഭകള്‍, കുറ്റിപ്പുറം, വണ്ടൂര്‍, പാണ്ടിക്കാട് ഗ്രാമപഞ്ചായത്തുകളിലേയും അധ്യക്ഷ സംവരണം സംബന്ധിച്ച വിധിക്കായാണ് കാത്തിരിക്കേണ്ടി വരിക.
മലപ്പുറം ജില്ലാ പഞ്ചായത്ത് പ്രസിഡന്റ് പദവി തുടര്‍ച്ചയായി മൂന്നാം തവണയും സംവരണമാവുന്നതിനെ ചോദ്യം ചെയ്തു മുസ്‌ലിം ലീഗ് ജില്ലാ സെക്രട്ടറി ഇസ്മായില്‍ പി മൂത്തേടം നല്‍കിയ ഹരജിയില്‍ കേരള ഹൈക്കോടതി അധ്യക്ഷ പദവി പൊതു വിഭാഗത്തിന് നല്‍കാന്‍ ഉത്തരവിട്ടിരുന്നു. എന്നാല്‍ സിംഗിള്‍ ബെഞ്ചിന്റെ വിധിക്കെതിരേ തെരഞ്ഞെടുപ്പ് കമ്മിഷന്‍ ഡിവിഷന്‍ ബെഞ്ചിന് അപ്പീല്‍ നല്‍കി. ഇതില്‍ വാദം കഴിഞ്ഞെങ്കിലും വിധി വന്നിട്ടില്ല.
ജില്ലാപഞ്ചായത്ത് 2010-ല്‍ വനിത, 2015-ല്‍ എസ്.സി ജനറലുമായിരുന്നു. ഇത്തവണ വനിതാ സംവരണവുമായി മാറിയതോടെയാണ് ഇതിനെ ചോദ്യം ചെയ്തു കോടതിയെ സമീപിച്ചത്.
മഞ്ചേരി നഗരസഭ കഴിഞ്ഞ തവണ വനിത സംവരണമായിരുന്നു. 2020 ലും വനിത സംവരണമാണ്. കുറ്റിപ്പുറം പഞ്ചായത്തില്‍ 2010-ല്‍ എസ്.സി ജനറല്‍, 2015 വനിത സംവരണമായിരുന്നു. ഇത്തവണയും വനിത സംവരണമായിരുന്നു അധ്യക്ഷപദവി. പാണ്ടിക്കാട് ഗ്രാമപഞ്ചായത്ത് ആദ്യം വനിത, പിന്നെ എസ്.സി ജനറല്‍, ഇത്തവണ വനിത സംവരണമായിരുന്നു. വണ്ടൂരില്‍ 2010-ല്‍ എസ്.സി ജനറല്‍, 2015 വനിത, 2020 വനിത സംവരമാണ്. അധ്യക്ഷ പദവി ജനസംഖ്യാതോത് അനുസരിച്ചാണ് കമ്മിഷന്റെ സംവരണം നിര്‍ണയിക്കുന്നത്.
തെരഞ്ഞെടുപ്പില്‍ മുഴുവന്‍ തദ്ദേശ സ്ഥാപനങ്ങളിലും രാഷ്ട്രീയ പാര്‍ട്ടികള്‍ അധ്യക്ഷന്മാരെക്കുറിച്ച് ധാരണയിലെത്തി മുന്നേറുമ്പോഴാണ് ആറ് സ്ഥാപനങ്ങളില്‍ അപ്പോഴും കോടതി വിധിക്കായി കാത്തിരിക്കുന്നത്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."