HOME
DETAILS

പാല്‍ച്ചുരം പാതയില്‍ യാത്ര ഭീതിയോടെ

  
backup
October 01 2018 | 00:10 AM

%e0%b4%aa%e0%b4%be%e0%b4%b2%e0%b5%8d%e2%80%8d%e0%b4%9a%e0%b5%8d%e0%b4%9a%e0%b5%81%e0%b4%b0%e0%b4%82-%e0%b4%aa%e0%b4%be%e0%b4%a4%e0%b4%af%e0%b4%bf%e0%b4%b2%e0%b5%8d%e2%80%8d-%e0%b4%af%e0%b4%be%e0%b4%a4

മാനന്തവാടി: കനത്ത മഴയിലും മണ്ണിടിച്ചിലിലും റോഡും സംരക്ഷണ ഭിത്തികളും തകര്‍ന്നതും റോഡരിക് ഇടിഞ്ഞതും പാല്‍ച്ചുരം പാതയിലെ ഗതാഗതം ഭീതിയിലാക്കുന്നു.
ഗതാഗതയോഗ്യമല്ലാത്തതിനാല്‍ പ്രളയത്തിന് ശേഷം രണ്ടാഴ്ച അടച്ചിട്ടാണ് റോഡില്‍ താല്‍കാലിക അറ്റകുറ്റപണികള്‍ നടത്തിയത്. എന്നാല്‍ പ്രവൃത്തികള്‍ ഇപ്പോഴും പൂര്‍ണമായിട്ടില്ല. റോഡ് ഇടിഞ്ഞഭാഗങ്ങളില്‍ വരെ താല്‍ക്കാലികമായുള്ള സംവിധാനങ്ങള്‍ മാത്രമാണ് ഒരുക്കിയിരിക്കുന്നത്. റോഡരികിലെ സംരക്ഷണ ഭിത്തി പുനര്‍ നിര്‍മിച്ചിട്ടുമില്ല. നിലവില്‍ മുളകളും മറ്റും കുഴിച്ചിട്ടാണ് ഇവിടെ അപായ സൂചന ഒരുക്കിയിട്ടുള്ളത്.
മതിയായ സുരക്ഷാ ഭിത്തി ഇല്ലാത്തതിനാല്‍ വാഹനങ്ങള്‍ നിയന്ത്രണം വിട്ടാല്‍ നേരെ ചുരത്തിലെ കൊക്കയിലേക്ക് പതിക്കുന്ന സ്ഥിതിയാണുള്ളത്. അഞ്ച് ഹെയര്‍പിന്‍ വളവുകളുള്ള പാല്‍ചുരത്തില്‍ ഏറെ ഭീതിയുള്ളത് ചെകുത്താന്‍ തോടിന് സമീപത്തെ വലിയ കയറ്റമാണ്. ഈ ഭാഗത്തെ റോഡ് പൂര്‍ണമായി തകര്‍ന്നിരുന്നെങ്കിലും താല്‍കാലികമായി കോണ്‍ക്രീറ്റ് ചെയ്ത് ഗതാഗതയോഗ്യമാക്കിയിട്ടുണ്ട്. വീരാജ് പേട്ട ചുരത്തില്‍ വലിയ വാഹനങ്ങള്‍ക്ക് നിരോധനം ഏര്‍പ്പെടുത്തിയതിനാല്‍ ബംങ്കളൂരു ഭാഗത്തേക്കുള്ള കെ.എസ്.ആര്‍.ടി.സി, സ്വകാര്യ ബസുകളും പാല്‍ചുരം മാനന്തവാടിയാണ് കടന്നു പോകുന്നത്. കണ്ണൂരില്‍ നിന്നും ചെങ്കല്ല് കയറ്റി വയനാട്ടിലേക്കെത്തുന്ന ഭൂരിഭാഗം ലോറികളും പാല്‍ ചുരത്തെയാണ് ആശ്രയിക്കുന്നത്. എന്നാല്‍ വീതി കുറഞ്ഞത് ഈ പാതയിലൂടെയുള്ള ഗതാഗതം ദുഷ്‌കരമാക്കുകയാണ്.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."