HOME
DETAILS

വ്രതവിശുദ്ധിയുടെ നാളുകളെ വരവേല്‍ക്കാനൊരുങ്ങി നാടും നഗരവും

  
backup
May 25 2017 | 22:05 PM

%e0%b4%b5%e0%b5%8d%e0%b4%b0%e0%b4%a4%e0%b4%b5%e0%b4%bf%e0%b4%b6%e0%b5%81%e0%b4%a6%e0%b5%8d%e0%b4%a7%e0%b4%bf%e0%b4%af%e0%b5%81%e0%b4%9f%e0%b5%86-%e0%b4%a8%e0%b4%be%e0%b4%b3%e0%b5%81%e0%b4%95%e0%b4%b3

കോഴിക്കോട്: വ്രതവിശുദ്ധിയുടെ പവിത്ര നാളുകളെ വരവേല്‍ക്കാന്‍ നാടും നഗരവും ഒരുങ്ങി. മനസും ശരീരവും അല്ലാഹുവിനു സമര്‍പ്പിക്കാനുള്ള ഒരുക്കത്തിലാണ് വിശ്വാസിസമൂഹം. അവസാനഘട്ട ഒരുക്കവും പൂര്‍ത്തിയാക്കി മാസപ്പിറവിക്കായി അവര്‍ കാതോര്‍ത്തിരിക്കുകയാണ്. 

മിക്ക മസ്ജിദുകളിലും റമദാന്‍ ഒരുക്കത്തിന്റെ അവസാന മിനുക്കുപണികള്‍ തകൃതിയായി നടക്കുന്നുണ്ട്. നഗര-ഗ്രാമങ്ങളിലെ പ്രധാന പള്ളികളിലെല്ലാം നോമ്പുതുറക്കാനുള്ള സംവിധാനങ്ങള്‍ ഒരുങ്ങിക്കഴിഞ്ഞു. വ്യക്തികള്‍ പരസ്പരം സൗഹൃദം പങ്കുവച്ചും മനസ് ശുദ്ധമാക്കുന്ന പ്രവര്‍ത്തനങ്ങളിലും മുഴുകിയിരിക്കുകയാണ്.


മുസ്‌ലിം വീടുകളില്‍ റമദാനിനെ വരവേല്‍ക്കാനുള്ള ഒരുക്കങ്ങലെല്ലാം പൂര്‍ത്തിയായി വരികയാണ്. നോമ്പുതുറക്കാനുള്ളതും അത്താഴത്തിനും മുത്തായത്തിനുമുള്ള വിഭവങ്ങളുടെ ശേഖരണവും വീടുകളില്‍ തകൃതിയായി പുരോഗമിക്കുന്നുണ്ട്. സ്‌കൂള്‍ തുറക്കുന്നതും നോമ്പും ഒരുമിച്ചു വന്നതിനാല്‍ നഗരത്തിലും ജില്ലയിലെ പ്രധാന പട്ടണങ്ങളിലെ വിപണികളിലും വന്‍തിരക്കാണ് അനുഭവപ്പെടുന്നത്. കാറ്ററിങ് സര്‍വിസുകള്‍ നോമ്പുതുറ വിഭവങ്ങള്‍ക്കുള്ള ഓര്‍ഡറുകള്‍ സ്വീകരിച്ച് തുടങ്ങി. നഗരത്തില്‍ ഈത്തപ്പഴമേളയും ഷോപ്പിങ് മാളുകളില്‍ റമദാന്‍ സ്‌പെഷല്‍ മേളകളും ഹോട്ടലുകളില്‍ ഇഫ്താര്‍ വിഭവങ്ങളുടെ വിപണനവും ആരംഭിച്ചിട്ടുണ്ട്.


കഴിഞ്ഞ വര്‍ഷത്തേത് പോലെ ഇത്തവണ റമദാനില്‍ മഴ ലഭിക്കുമെന്ന കാലാവസ്ഥാ നിരീക്ഷകരുടെ കണക്കുകൂട്ടലുകള്‍ തെറ്റിയില്ലെങ്കില്‍ വ്രതത്തിന്റെ കാഠിന്യം കുറയും.


എന്നാല്‍ പകലിന്റെ ദൈര്‍ഘ്യം 14 മണിക്കൂര്‍ തന്നെയാണ്. ഇന്നു മാസപ്പിറവി കാണാന്‍ സാധ്യതയുള്ളതിനാല്‍ തറാവീഹ് നിസ്‌കാരത്തിന്റെ അവസാന ഒരുക്കം എല്ലായിടത്തും പൂര്‍ത്തിയായിട്ടുണ്ട്.


 

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."