തിരുവനന്തപുരം: പെട്രോള്‍ ഡീസല്‍ വില കുത്തനെ കുതിച്ചുയരുന്നു. ഡീസലിന് ലിറ്ററിന് 32 പൈസയും പെട്രോള്‍ ലിറ്ററിന് 25 പൈസയുമാണ് കൂടിയത്. തിരുവനന്തപുരത്ത് പെട്രോള്‍ വില 87 രൂപ 19 പൈസയും ഡീസല്‍ വില 80 രൂപ 43 പൈസയായി.

കഴിഞ്ഞ ദിവസം പാചക വാതകത്തിന്റെ വിലയും വര്‍ദ്ധിപ്പിച്ചിരുന്നു.സബ്‌സിഡിയില്ലത്ത സിലിണ്ടറിന് 59 രൂപയാണ് കൂട്ടിയത്. സബ്‌സിഡി ഉള്ള സിലിണ്ടറിന് 2രൂപ 89പൈസയും വര്‍ദ്ധിപ്പിച്ചു. പുതുക്കിയ വിലയനുസരിച്ച് സബ്‌സിഡിയുള്ള സിലിണ്ടറുകള്‍ക്ക് ഇനി 502 രൂപ 4പൈസ നല്‍കേണ്ടി വരും.

 രാജ്യാന്തര വിപണിയില്‍ വില വര്‍ദ്ധിച്ചതും വിദേശ വിനിമയ നിരക്കിലെ ഏറ്റക്കുറച്ചിലുമാണ് നിരക്ക് കൂട്ടാന്‍ കാരണമെന്ന് ഇന്ത്യന്‍ ഓയില്‍ കോര്‍പ്പറേഷന്‍ വ്യക്തമാക്കി.