ശ്രീനഗര്‍: വിനോദ യാത്രക്കുപോയ സ്‌കൂള്‍ കുട്ടികള്‍ സഞ്ചരിച്ച ബസ് കൊക്കയിലേക്ക് മറിഞ്ഞു. എന്നാല്‍ അപകടത്തില്‍ കുട്ടികള്‍ അത്ഭുതകരമായി രക്ഷപ്പെട്ടതായി പൊലിസ് അറിയിച്ചു.
ജമ്മുകശ്മിരിലെ രജൗറി ജില്ലയില്‍ ഇന്നലെ വൈകുന്നേരമായിരുന്നു അപകടം. മുഗള്‍ റോഡ് വഴി മന്‍ജകോട്ട് നിന്ന് പീര്‍കിഗലിയിലേക്ക് പോകുകയായിരുന്ന ബസ് മാന്‍സറില്‍ വച്ചാണ് അപകടത്തില്‍പ്പെട്ടത്. പൂഞ്ചിലെ ഗരീബ് നവാസ് സ്‌കൂളിലെ വിദ്യാര്‍ഥികള്‍ സഞ്ചരിച്ച ബസാണ് അപകടത്തില്‍പ്പെട്ടത്. നിസാര പരുക്കുകളോടെ കുട്ടികള്‍ രക്ഷപ്പെട്ടതായി പൂഞ്ച് അഡീഷണല്‍ പൊലിസ് സൂപ്രണ്ട് മസ്‌റൂര്‍ മിര്‍ സ്ഥിരീകരിച്ചു. ബസില്‍ 40 വിദ്യാര്‍ഥികളടക്കം 45 പേരാണ് ഉണ്ടായിരുന്നത്.