കൊണ്ടോട്ടി: കരിപ്പൂര്‍ വിമാനത്താവളം വഴി അനധികൃതമായി കടത്താന്‍ ശ്രമിച്ച 6.72 ലക്ഷം രൂപയുടെ സ്വര്‍ണം എയര്‍ കസ്റ്റംസ് ഇന്റലിജന്‍സ് പിടികൂടി. കോഴിക്കോട് വടകര കല്ലാച്ചി അമ്പലപറമ്പത്ത് അബ്ദുല്‍ മുനീറില്‍ (40)നിന്നാണ് 232 ഗ്രാം സ്വര്‍ണം പിടികൂടിയത്. ദുബൈയില്‍ നിന്നുള്ള എയര്‍ഇന്ത്യ എക്‌സ്പ്രസ് വിമാനത്തിലാണ് ഇയാള്‍ കരിപ്പൂരിലെത്തിയത്. ബാഗേജിനകത്ത് വാച്ചിന്റെയും ഹെയര്‍ ബ്രഷിന്റെയും അകത്ത് ഒളിപ്പിച്ച നിലയിലായിരുന്നു സ്വര്‍ണം.