പെരിന്തല്‍മണ്ണ: പട്ടിക്കാട് ജാമിഅഃ നൂരിയ്യഃ കേന്ദ്രമായി പ്രവര്‍ത്തിക്കുന്ന സയ്യിദ് മുഹമ്മദലി ശിഹാബ് തങ്ങള്‍ സെന്റര്‍ ഫോര്‍ ഇസ്‌ലാമിക് സ്റ്റഡീസ് സംഘടിപ്പിക്കുന്ന ശിഹാബ് തങ്ങള്‍ നാഷണല്‍മിഷന്‍ ദേശീയതല ഉദ്ഘാടന പരിപാടികള്‍ നാളെ മംഗലാപുരത്ത് നടക്കും.
ജാമിഅഃ നൂരിയ്യയുടെ പ്രവര്‍ത്തനങ്ങള്‍ ദേശീയതലത്തില്‍ വ്യാപിപ്പിക്കുന്നതിന്റെ ഭാഗമായാണ് ശിഹാബ് തങ്ങള്‍ നാഷണല്‍ മിഷന് തുടക്കം കുറിക്കുന്നത്. ഇതര സംസ്ഥാനങ്ങളിലെ തെരഞ്ഞെടുക്കപ്പെട്ട ഗ്രാമങ്ങളിലെ പിന്നാക്ക ജനവിഭാഗങ്ങളുടെ സാമൂഹിക-വിദ്യഭ്യാസ പുരോഗതിക്ക് നേതൃത്വം നല്‍കും.

രാവിലെ പത്തിന് മംഗലാപുരം ടൗണ്‍ ഹാളില്‍ ആരംഭിക്കുന്ന സെമിനാര്‍ ഇ.ടി മുഹമ്മദ് ബഷീര്‍ എം.പി ഉദ്ഘാടനം ചെയ്യും.
പാണക്കാട് അബ്ബാസലി ശിഹാബ് തങ്ങള്‍ അധ്യക്ഷത വഹിക്കും. കെ.എം.ഷാജി എം.എല്‍.എ, എന്‍. ശംസുദ്ദീന്‍ എം.എല്‍.എ, പി.എം.സാദിഖലി പ്രസംഗിക്കും. ഓണമ്പിള്ളി മുഹമ്മദ് ഫൈസി സമാപന പ്രസംഗം നടത്തും. ചെര്‍ക്കളം അബ്ദുല്ല സ്വാഗത ഭാഷണം നിര്‍വഹിക്കും.

ഉച്ചയ്ക്ക് രണ്ടിന് നടക്കുന്ന നാഷണല്‍ മിഷന്‍ ദേശീയതല ഉദ്ഘാടന സമ്മേളനം കര്‍ണാടക വനംമന്ത്രി രമാനാഥ്‌റായ് ഉദ്ഘാടനം ചെയ്യും. സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി കെ.ആലിക്കുട്ടി മുസ്‌ലിയാര്‍ അധ്യക്ഷനാകും. ദേശീയ ദൗത്യ പദ്ധതികളുടെ ഉദ്ഘാടനം പാണക്കാട് സയ്യിദ് ഹൈദരലി ശിഹാബ് തങ്ങള്‍ നിര്‍വഹിക്കും. കര്‍ണാടക ഭക്ഷ്യമന്ത്രി യു.ടി ഖാദര്‍ മുഖ്യാതിഥിയായിരിക്കും. ഇ. അഹ്മദ് എം.പി മുഖ്യപ്രഭാഷണം നടത്തും.

പ്രൊജക്ട് പ്രസന്റേഷന്‍ പി.കെ.കുഞ്ഞാലിക്കുട്ടി നിര്‍വഹിക്കും.കോട്ടുമല ടി.എം.ബാപ്പു മുസ്‌ലിയാര്‍, സയ്യിദ് സാദിഖലി ശിഹാബ് തങ്ങള്‍,സയ്യിദ് ബശീറലി ശിഹാബ് തങ്ങള്‍, പി.വി അബ്ദുല്‍ വഹാബ് എം.പി,ത്വാഖാ അഹ്മദ് മൗലവി, അബ്ദുല്‍ ജബ്ബാര്‍ മുസ്‌ലിയാര്‍ മിത്തബൈ, ഖാസിം മുസ്‌ലിയാര്‍ കുമ്പള, കെ.പി.എ മജീദ്, എം.പി അബ്ദുസ്സമദ് സമദാനി,ഹാജി കെ മമ്മദ് ഫൈസി, പി.ബി അബ്ദുല്‍ റസാഖ് എം.എല്‍.എ, എന്‍.എ നെല്ലിക്കുന്ന് എം.എല്‍.എ, സൈനുല്‍ ആബിദീന്‍ തങ്ങള്‍ കുന്നുംകൈ പ്രസംഗിക്കും.