കോഴിക്കോട്: കോണ്‍ഗ്രസ് നേതാവ് പീഡിപ്പിക്കാന്‍ ശ്രമിച്ചെ പരാതിയുമായി വീട്ടമ്മ രംഗത്ത്. ഇത് സംബന്ധിച്ച് ഫറോക്ക് സ്വദേശിനിയായ സ്ത്രീയാണ് കസബ പൊലിസില്‍ പരാതി നല്‍കിയത്. ഇന്നലെ രാവിലെ 8.30ഓടെ ഭര്‍ത്താവിന്റെ ചികിത്സാ സഹായത്തിന് നേതാവിന്റെ ഓഫിസില്‍ എത്തിയപ്പോഴായിരുന്നു സംഭവം. ഭര്‍ത്താവിനെ പുറത്തേക്ക് പറഞ്ഞയച്ച ശേഷം കടന്നു പിടിച്ചുവെന്നാണ് പരാതി. ഹൃദയസംബന്ധമായ അസുഖം ബാധിച്ച് ഒരു വര്‍ഷം മുന്‍പ് ആന്‍ജിയോപ്ലാസ്റ്റിക്ക് വിധേയനായ ഭര്‍ത്താവിന് ധനസഹായം വാങ്ങിക്കൊടുക്കാമെന്ന വാഗ്ധാനം നല്‍കിയായിരുന്നു ഇവരെ ഓഫിസിലേക്ക് വിളിപ്പിച്ചത്.ആന്‍ജിയോപ്ലാസ്റ്റി ചെയ്തതുമായി ബന്ധപ്പെട്ട് ആശുപത്രിയില്‍ നിന്നു നല്‍കിയ രേഖകള്‍ ഫോട്ടോസ്റ്റാറ്റ് എടുത്തു വരാനായി ഭര്‍ത്താവ് പുറത്തേക്ക് പോയ സമയത്ത് ഓഫിസില്‍ ഇരിക്കുകയായിരുന്ന സ്ത്രീയെ പീഡിപ്പിക്കാന്‍ ശ്രമിക്കുകയായിരുന്നു. അതേസമയം സ്ത്രീയുടെ ഭര്‍ത്താവ് മര്‍ദിച്ചെന്നാരോപിച്ച് കോണ്‍ഗ്രസ് നേതാവ് കസബ പൊലിസ് സ്‌റ്റേഷനില്‍ പരാതി നല്‍കിയിട്ടുണ്ട്.