ഏതന്‍സ്: ഏതന്‍സിന്റെ വടക്കുപടിഞ്ഞാറു ഭാഗത്ത് വന്‍ ഭൂചലനം. റിക്ടര്‍ സ്‌കെയിലില്‍ 5.1 രേഖപ്പെടുത്തിയ ഭൂചലനം ഏതന്‍സിന്റെ മധ്യഭാഗത്താണ് അനുഭവപ്പെട്ടത്. ഭൂചലനം 15 സെക്കന്‍ഡോളം നീണ്ടുനിന്നു. ഉയര്‍ന്ന കെട്ടിടങ്ങളില്‍ നിന്ന് ആളുകളെ ഒഴിപ്പിക്കാന്‍ തുടങ്ങിയിട്ടുണ്ട്. എന്നാല്‍ അപകടങ്ങളൊന്നും റിപ്പോര്‍ട്ട് ചെയ്യപ്പെട്ടിട്ടില്ല.

വൈദ്യുതി മുടക്കം മൂലം എലിവേറ്ററുകളില്‍ കുടുങ്ങിക്കിടന്ന നിരവധിപേരെ അഗ്നിശമന സേന രക്ഷപ്പെടുത്തി. അതേസമയം കെട്ടിടങ്ങള്‍ തകര്‍ന്നുവീണതായും റിേപ്പാര്‍ട്ടുണ്ട്.

അതേസമയം ആശങ്കപ്പെടാന്‍ ഒന്നുമില്ലെന്നും ജാഗ്രത പാലിക്കണമെന്നും ഗ്രീക്കിലെ ഭൂചലനവിരുദ്ധ ഏജന്‍സി തലവന്‍ എഫ്തിമിയോസ് ലെക്കാസ് പറഞ്ഞു. ഭൂചലനത്തെ നേരിടാന്‍ കരുത്തുള്ള കെട്ടിടങ്ങള്‍ നിര്‍മിച്ചിട്ടുണ്ടെന്നും അദ്ദേഹം അറിയിച്ചു.