തൊടുപുഴ: ഇടുക്കി ജില്ലയിലെ കൊന്നത്തടിയില്‍ ഉരുള്‍പൊട്ടല്‍. ആളപായം റിപ്പോര്‍ട്ട് ചെയ്തിട്ടില്ലെങ്കിലും വ്യാപകമായ കൃഷിനാശം ഉണ്ടായിട്ടുണ്ട്. ഈട്ടിത്തോപ്പ് വിജയമാതാ ദേവാലയത്തില്‍ കൂര്‍ബാന നടക്കുന്നതിനിടെയായിരുന്നു ഉരുള്‍പൊട്ടല്‍. ദേവാലയത്തിന്റെ സംരക്ഷണ ഭിത്തി ഇടിഞ്ഞുവീണു. റോഡും ഒലിച്ചുപോയിട്ടുണ്ട്. സംഭവം നടക്കുമ്പോള്‍ ആളുകളാരും ഉണ്ടായിരുന്നില്ലെന്നാണ് കരുതുന്നത്. പ്രദേശത്ത് പല ഇടങ്ങളിലും മരം വീണിട്ടുണ്ട്. വൈദ്യുതി കമ്പികള്‍ പൊട്ടിവീണ് വൈദ്യുതിയും മുടങ്ങിയിട്ടുണ്ട്. മഴവിട്ട അവസ്ഥയാണെങ്കിലും ഇനിയും ഉരുള്‍പൊട്ടലുണ്ടാകുമോ എന്ന ആശങ്കയിലാണ് നാട്ടുകാര്‍.