ചേലക്കര: ഗാന്ധിജയന്തി ദിനത്തില്‍ കൊണ്ടാഴി പഞ്ചായത്ത് ഗാന്ധിജിയെ അപമാനിച്ചതായി പരാതി. ഗാന്ധി പ്രതിമയുടെ മുന്നിലുള്ള ഗെയ്റ്റ് തുറക്കാത്തതിലും പരിസരം വൃത്തിയാക്കത്തതിലും കോണ്‍ഗ്രസ് മണ്ഡലം കമ്മിറ്റിയുടെ നേതൃത്വത്തില്‍ പ്രതിഷേധ പ്രകടനം നടത്തി. ഗാന്ധി നിന്ദക്കെതിരെ പഞ്ചായത്ത് സെക്രട്ടറിക്കും ഭരണസമിതിക്കും നോട്ടീസ് നല്‍കാനും തീരുമാനമെടുത്തു. മണ്ഡലം കോണ്‍ഗ്രസ് പ്രസിഡന്റ് പി.എം മണികണ്ഠന്‍ അധ്യക്ഷനായി.
പ്രതിഷേധ പ്രകടനത്തിന് പി. സുലൈമാന്‍, വി.പി വേണുഗോപാല്‍, എം. അയ്യാവു, ബിജു തടത്തി വിള, പി.പി മണികണ്ഠന്‍, ടി.കെ കൃഷ്ണന്‍കുട്ടി, വേലായുധന്‍, രമേശന്‍, പി.പി ശശീന്ദ്രന്‍, എ.കെ മഹേഷ്, പി.എ സുധേന്ദ്രന്‍, എ. രമണി നേതൃത്വം നല്‍കി.