തിരൂര്‍: ചെസ് അസോസിയേഷന്‍ ഓഫ് മലപ്പുറത്തിന്റെ അംഗീകാരത്തോടെ തിരൂര്‍ ചെസ് അക്കാദമി സംഘടിപ്പിച്ച ജില്ലാ യൂത്ത് ചെസ് ചാംപ്യന്‍ഷിപ്പില്‍ എടപ്പാള്‍ ദ ഐക്കണ്‍ ചെസ് അക്കാദമിയിലെ അമീര്‍ കെ.വി മുഹമ്മദ് ചാംപ്യനായി. പൊന്നാനി എ.വി ഹൈസ്‌കൂള്‍ പത്താം ക്ലാസ് വിദ്യാര്‍ഥിയാണ് അമീര്‍. വിശ്വജിത്ത് (പരപ്പനങ്ങാടി), നയര്‍മേഘ , അഫിനുഷിയാന്‍ ( തിരൂര്‍), ഹുസ്‌നുല്‍ നിസാം ( തിരൂര്‍), പ്രണവ് ടി.എന്‍ (താനൂര്‍), നന്ദഗോപ സചീന്‍ ( കൊണ്ടോട്ടി), രോഹിത്ത് ( താനൂര്‍), ആകാശ് കണ്ണന്‍ ( കാലിക്കറ്റ് യൂനിവേഴ്‌സിറ്റി), സ്‌നേഹ ( താനൂര്‍), വിഷ്ണു (കോട്ടക്കല്‍) എന്നിവര്‍ രണ്ട് മുതല്‍ പത്തു വരെ സ്ഥാനങ്ങള്‍ നേടി.
ആദ്യത്തെ നാല് സ്ഥാനക്കാര്‍ ജൂണ്‍ നാല്, അഞ്ച് തിയതികളില്‍ തിരുവനന്തപുരത്ത് നടക്കുന്ന സംസ്ഥാന യൂത്ത് ചെസ് ചാംപ്യന്‍ഷിപ്പില്‍ മലപ്പുറം ജില്ലയെ പ്രതിനിധീകരിച്ച് പങ്കെടുക്കും. തിരൂര്‍ ചെസ് അക്കാദമി ഹാളില്‍ സംഘടിപ്പിച്ച മത്സരം കാലിക്കറ്റ് യൂനിവേഴ്‌സിറ്റി സുവോളജി വിഭാഗം പ്രൊഫ. കണ്ണന്‍ ഉദ്ഘാടനം ചെയ്തു. ജില്ലാ ചെസ് അസോസിയേഷന്‍ ട്രഷറര്‍ ജമാല്‍ മുഹമ്മദ് അധ്യക്ഷനായി. ചെസ് അസോസിയേഷന്‍ ഓഫ് മലപ്പുറം പ്രസിഡന്റ് കെ.കെ ആഷിഖ് മുഖ്യാതിഥിയായി. ജില്ലാ ചെസ് അസോസിയേഷന്‍ സെക്രട്ടറി ഹാഫിസ് കെ.എല്‍, കെ ചന്ദ്രന്‍, അനില്‍, ബിനേഷ് ശങ്കര്‍, പി.കെ ഖമറുദ്ദീന്‍, എം. പ്രഭാഷ്, സനിത് ചെമ്പന്‍ സംസാരിച്ചു. വിജയികള്‍ക്കുള്ള സമ്മാനദാനം ചെസ് അസോസിയേഷന്‍ പ്രസിഡന്റ് കെ.കെ ആഷിഖ് നിര്‍വഹിച്ചു. ചീഫ് ആര്‍ബീറ്റര്‍ ബിനേഷ് ശങ്കര്‍ മത്സരങ്ങള്‍ നിയന്ത്രിച്ചു.