നിലമ്പൂര്‍: കുട്ടികളുടെ പഠനനിലവാരം ഉയര്‍ത്തുന്നതിന് നഗരസഭ നടപ്പാക്കുന്ന പഠനവീട് പദ്ധതിയുടെ ഭാഗമായി കളിവീട് തുടങ്ങി. ചക്കാലക്കുത്ത് പഠനകേന്ദ്രത്തില്‍ ഔഷധവ്യാപാരികളുടെ സംഘടനയായ എകെസിഡിഎ ഒരുക്കിയ കളിവീട് നഗരസഭ ചെയര്‍പേഴ്‌സണ്‍ പത്മിനി ഗോപിനാഥ് ഉദ്ഘാടനം ചെയ്തു.
കൗണ്‍സിലര്‍ ഡെയ്‌സി ചാക്കോ അധ്യക്ഷയായി. ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ പാലോളി മെഹബൂബ്, യു നരേന്ദ്രന്‍, പി വി സനില്‍കുമാര്‍, ഐസിഡിഎസ് സൂപ്പര്‍വൈസര്‍ ഷഹനാസ് ബീഗം, ഇ പി ബോബി, അധ്യാപിക കെ ടി സുഹറ, സി ടി രാജു എന്നിവര്‍ സംസാരിച്ചു. പഠന കേന്ദ്രത്തില്‍ കുട്ടികളെ ആകര്‍ഷിക്കുന്നതിനായി വിവിധ കളി ഉപകരണങ്ങള്‍ ഒരിക്കിയിട്ടുണ്ട്. അങ്കണവാടി പ്രവേശനോത്സവവും നടത്തി. കുട്ടികള്‍ക്ക് സമ്മാനങ്ങളും നല്‍കി.