തെഹ്‌റാന്‍: ഹമാസ് ഉപമേധാവി സലാഹ് അല്‍ അരൂരിയുടെ നേതൃത്വത്തിലുള്ള സംഘം തെഹ്‌റാനില്‍ ഇറാന്‍ പരമോന്നത നേതാവ് ആയത്തുല്ലാ അലി ഖാംനഈയുമായി കൂടിക്കാഴ്ച നടത്തി.
നൂറ്റാണ്ടിന്റെ ഇടപാടെന്ന പേരില്‍ യു.എസ് പശ്ചിമേഷ്യയില്‍ നടത്തുന്ന സമാധാന ചര്‍ച്ച പണം കൊണ്ട് ഫലസ്തീനികളെ നശിപ്പിക്കാനുള്ള അപകടകരമായ പദ്ധതിയാണെന്ന് ഖാംനഈ പറഞ്ഞു.
ജറൂസലമില്‍ ഇസ്‌റാഈല്‍ ഫലസ്തീന്‍ വീടുകള്‍ ഇടിച്ചുനിരത്തുന്നതിനെ ഹമാസ് നേതാക്കള്‍ അപലപിച്ചു. അമേരിക്കയുടെ പിന്തുണയോടെയാണിത് നടക്കുന്നതെന്ന് ഹമാസ് വക്താവ് പറഞ്ഞു.