പാരിസ്: അധിക സമയത്തേക്ക് നീളുമായിരുന്ന മത്സരത്തില്‍ ദാനമായി കിട്ടിയ സെല്‍ഫ് ഗോളില്‍ കിരീടം സ്വന്തമാക്കി പാരിസ് സെന്റ് ജെര്‍മെയ്ന്‍.
ആന്‍ജേഴ്‌സിനെ മറുപയില്ലാത്ത ഒറ്റ ഗോളിന് കീഴടക്കി പി.എസ്.ജി ഫ്രഞ്ച് കപ്പ് സ്വന്തമാക്കി. മത്സരത്തിന്റെ നിശ്ചിത സമയം ഗോള്‍രഹിതമായി കടന്നു പോയപ്പോള്‍ പോരാട്ടം അധിക സമയത്തേക്ക് നീളുമെന്ന പ്രതീതിയുണര്‍ത്തി. എന്നാല്‍ അവസാന വിസില്‍ മുഴങ്ങാന്‍ നിമിഷങ്ങള്‍ മാത്രുള്ളപ്പോള്‍ ആന്‍ജേഴ്‌സ് താരം സിസ്സോക്കോ കാണിച്ച അബദ്ധം പി.എസ്.ജിക്ക് കിരീട നേട്ടത്തിലേക്കുള്ള സെല്‍ഫ് ഗോളായി മാറുകയായിരുന്നു.
ഫ്രഞ്ച് ലീഗ് വണ്‍ കിരീടം മൊണാക്കോയ്ക്ക് അടിയറ വയ്‌ക്കേണ്ടി വന്ന പി.എസ്.ജി സീസണില്‍ നേടുന്ന രണ്ടാം ഡൊമസ്റ്റിക്ക് കിരീടമാണിത്. നേരത്തെ ഫ്രഞ്ച് ലീഗ് കപ്പും പി.എസ്.ജി നേടിയിരുന്നു.