കോഴിക്കോട്: പൂക്കാട്ട് തീര്‍ഥാടകര്‍ സഞ്ചരിച്ച വാഹനം അപടത്തില്‍പ്പെട്ട് നിരവധി പേര്‍ക്ക് പരുക്കേറ്റു. പൂക്കാട് പഴയ ഉര്‍വശി ടാക്കീസിന് സമീപമാണ് അപകടം നടന്നത്. 16 പേര്‍ സഞ്ചരിച്ച ട്രാവലറില്‍ ലോറിയിടിക്കുകയായിരുന്നു. ഇന്ന് പുലര്‍ച്ചെ 5.45നായിരുന്നു അപകടം. മധ്യപ്രദേശ് രജിസ്‌ട്രേഷനിലുള്ള ലോറി ട്രാവലറിന്റെ ഇടതുവശം ഇടിക്കുകയായിരുന്നു.

അപകടത്തില്‍ തലശ്ശേരി പാനൂര്‍ മേലേ പൂക്കോത്ത് സ്വദേശി ഹര്‍ഷന്‍ മരണപ്പെട്ടു. ഇവര്‍ പഴനി, രാമേശ്വരം തുടങ്ങിയ പുണ്യസ്ഥലങ്ങള്‍ സന്ദര്‍ശിച്ചു വരികയായിരുന്നു. അപകടത്തില്‍ പരുക്കേറ്റവരെ കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.