ശാസ്താംകോട്ട: രാജ്യത്തിന്റെ കാവല്‍ക്കാരനായി അഭിനയിക്കുന്ന പ്രധാനമന്ത്രി നരേന്ദ്രമോദി സാമ്പത്തികമായി തകര്‍ന്നടിഞ്ഞ അനില്‍ അംബാനിയെ സഹായിക്കാനാണ് റാഫേല്‍ കരാറില്‍ കോടികളുടെ അഴിമതി നടത്തിയതെന്ന് യൂത്ത് കോണ്‍ഗ്രസ് സംസ്ഥാന വൈസ് പ്രസിഡന്റ് സി.ആര്‍ മഹേഷ് പറഞ്ഞു.
റാഫേല്‍ അഴിമതിയില്‍ പ്രതിഷേധിച്ച് യൂത്ത് കോണ്‍ഗ്രസ് മാവേലിക്കര പാര്‍ലമെന്റ് മണ്ഡലം കമ്മിറ്റി ശാസ്താംകോട്ടയില്‍ സംഘടിപ്പിച്ച പ്രതിഷേധി സദസ് ഉദ്ഘാടനം ചെയ്യുകയായിരുന്നു അദ്ദേഹം. ചടങ്ങില്‍ പാര്‍ലമെന്റ് മണ്ഡലം പ്രസിഡന്റ് സജി ജോസ് അധ്യക്ഷത വഹിച്ചു.ശാസ്താംകോട്ട സുധീര്‍, ദിനേശ്ബാബു, വൈ. ഷാജഹാന്‍, കല്ലട ഗിരീഷ്, തോമസ് വൈദ്യന്‍, തുണ്ടില്‍ നൗഷാദ്, സുരേഷ് ചന്ദ്രന്‍, വൈ. നജീം, ഷമീര്‍, ഇസ്മയില്‍ സംസാരിച്ചു.