വിമുക്തിവീഥിയും ഒരുങ്ങുന്നുതിരുവനന്തപുരം:  മാജിക് അക്കാദമിയുടെ ഇരുപത്തിയൊന്നാം വാര്‍ഷികാഘോഷങ്ങളുടെ ഭാഗമായി ലോക പുകയില വിരുദ്ധ ദിനത്തില്‍ വിമുക്തി വേദിയും വിമുക്തി വീഥിയും ഒരുക്കുന്നു.  വിമുക്തി വേദിയുടെ ഉദ്ഘാടനം എക്‌സൈസ് വകുപ്പ് മന്ത്രി റ്റി.പി രാമകൃഷ്ണന്‍ നാളെ വൈകുന്നേരം നാലിന് നിര്‍വഹിക്കും. ചടങ്ങില്‍ എക്‌സൈസ് കമ്മിഷണര്‍ ഋഷിരാജ് സിങ് ലഹരി വിരുദ്ധ ക്ലാസിന് നേതൃത്വം നല്‍കും. ലഹരി വസ്തുക്കള്‍ക്കെതിരെയുള്ള ഇന്ദ്രജാല പ്രകടനം മാജിക് പ്ലാനറ്റിലെ വിമുക്തി വേദിയില്‍ എല്ലാ ദിവസവും അരങ്ങേറുമെന്നും ഇത്തരത്തില്‍ വര്‍ഷം മുഴുവന്‍ നീണ്ടു നില്‍ക്കുന്ന പരിപാടികള്‍ സംഘടിപ്പിക്കുമെന്നും മാജിക് പ്ലാനറ്റ് എക്‌സിക്യുട്ടീവ് ഡയറക്ടര്‍ ഗോപിനാഥ് മുതുകാട് പറഞ്ഞു.