പാരിസ്: 70ാമത് കാന്‍ അന്താരാഷ്ട്ര ചലച്ചിത്രോത്സവത്തിലെ  പ്രധാന പുരസ്‌കാരമായ പാം ഡെ ഓറിന് റൂബന്‍ ഓസ്റ്റ്‌ലന്‍ഡ് സംവിധാനം ചെയ്ത ദി സ്‌ക്വയര്‍ അര്‍ഹമായി. എഴുപതാം വാര്‍ഷിക പുരസ്‌കാരം നിക്കോള്‍ കിഡ്മാന്‍ കരസ്ഥമാക്കി. ഹ്രസ്വചിത്രങ്ങള്‍ക്കുള്ള പാം ഡെ ഓര്‍, ക്യു യാങ് സംവിധാനം ചെയ്ത എ ജെന്റില്‍മാന്‍ നൈറ്റ് നേടി.
ഫ്രഞ്ച് സംവിധായകന്‍ ലിയോനോര്‍ സെരെയ്‌ല്ലെയുടെ കന്നിചിത്രമായ ഴോണ്‍ ഫെമ്മെയ്ക്കാണ് മികച്ച ചിത്രത്തിനുള്ള കാമറ ഡെ ഓര്‍ ലഭിച്ചത്.
ദി ഫെയ്ഡിലെ അഭിനയത്തിന് ഡയാനെ ക്രൂഗറിനെ മികച്ച നടിയായും യുവേര്‍ നെവര്‍ റിയലി ഹിയര്‍ എന്ന ചിത്രത്തിലെ അഭിനയത്തിന് ജോക്വിന്‍ ഫീനിക്‌സ് മികച്ച നടനായും തിരഞ്ഞെടുക്കപ്പെട്ടു.
മികച്ച സംവിധായകന്‍: സോഫിയ കൊപ്പോള (ദി ബീഗ്യുല്‍സ്), ഗ്രാന്‍പ്രീ: 120 ബീറ്റ്‌സ് പെര്‍ മിനിറ്റ്, ജൂറി പുരസ്‌കാരം: ലൗലെസ് (സംവിധാനം: ആന്ദ്രെ സ്‌വ്യാഗിന്‍ന്റ്‌സേവ്) എന്നിവയും നേടി.