കോഴിക്കോട്: കുഞ്ഞുകഥകളുടെ കുലപതി പി.കെ.പാറക്കടവിന്റെ പുസ്തകം ഇനി ഉറുദുവിലും.
'മേഘത്തിന്റെ തണല്‍'എന്ന പുസ്തകത്തിലെയും മറ്റും കഥകള്‍ ചേര്‍ത്താണ് 'ബാദല്‍ കാ സായ'എന്ന പേരില്‍ ഉഘുദുവില്‍ പുസ്തകമായി പ്രസിദ്ധീകരിച്ചത്. ഹൈദരാബാദിലെ എലിസബത്ത് കുര്യന്‍ മോണയാണ് ഉറുദുവിലേക്ക് കഥകള്‍ വിവര്‍ത്തനം ചെയ്തത്. ന്യൂദല്‍ഹിയിലെ എജുക്കേഷണല്‍ പബ്ലിഷിംഗ് ഹൗസാണ് പുസ്തകത്തിന്റെ പ്രസാധകര്‍.
പാറക്കടവിന്റെ കഥകള്‍ ഇംഗ്ലീഷിലും അറബിയിലും മറ്റു ഇന്ത്യന്‍ ഭാഷകളിലും പ്രസിദ്ധീകരിച്ചിട്ടുണ്ട്. തമിഴിലേക്ക് രണ്ടു പുസ്തകങ്ങളും കന്നഡയില്‍ ഒരു കഥാസമാഹാരവും വിവര്‍ത്തനം ചെയ്തിട്ടുണ്ട്. മീസാന്‍ കല്ലുകളുടെ കാവല്‍ എന്ന നോവല്‍ തോപ്പില്‍ മുഹമ്മദ് മീരാനാണ് തമിഴിലേക്ക് മൊഴിമാറ്റിയത്.