കറാച്ചി: പാക് മോഡല്‍ ഖന്‍ന്ദീല്‍ ബലോചിനെ കൊലപ്പെടുത്തിയത് സഹോദരനല്ലെന്ന് പോളിഗ്രാഫ് പരിശോധനാഫലം.
സഹോദരന്‍ മുഹമ്മദ് വസീം കുറ്റം ഏറ്റെടുത്തിരുന്നു. വഴിവിട്ട ജീവിതം നയിച്ചതിനാണ് 26കാരിയായ ബന്ദീലിനെ കൊലപ്പെടുത്തിയതെന്നും കുറ്റബോധമില്ലെന്നും വസീം മൊഴി നല്‍കിയിരുന്നു. വസീമല്ല കൊലപാതകിയെന്നും ബന്ധു ഹഖ് നവാസാണെന്നുമാണ് പരിശോധനാ ഫലം. ജൂലൈ 15 നാണ് കൊലനടന്നത്. മയക്കുമരുന്ന് നല്‍കിയശേഷമാണ് കൊല ചെയ്തത്.
വസീമും ഹഖ് നവാസും നേരത്തെ ഖന്‍ദീലിനെ കൊലപ്പെടുത്താന്‍ തീരുമാനിച്ചതായും പൊലിസ് പറയുന്നു. ഖന്‍ദീലിന്റെ യഥാര്‍ഥ പേര് ഫൗസിയ അസീം എന്നാണ്.