തിരുവനന്തപുരം: നിയമസഭാ തെരഞ്ഞെടുപ്പുമായി ബന്ധപ്പെട്ട ഒരുക്കങ്ങള്‍ക്ക് എ.ഐ.സി.സി പ്രതിനിധിസംഘം വീണ്ടും കേരളത്തിലെത്തും. 

ജനുവരി നാലിനാണ് പ്രതിനിധിസംഘമെത്തുക. തിങ്കളാഴ്ച രാവിലെ കെ.പി.സി.സി ജനറല്‍ സെക്രട്ടറിമാരുടെയും വൈസ് പ്രസിഡന്റുമാരുടെയും യോഗം വിളിച്ചിട്ടുണ്ട്. ഉച്ചയ്ക്കു ശേഷം നിയോജകമണ്ഡലങ്ങളുടെ ചുമതലയുള്ള കെ.പി.സി.സി സെക്രട്ടറിമാരെയും നിര്‍വാഹകസമിതി അംഗങ്ങളെയും കാണും. ചൊവ്വാഴ്ച പോഷക സംഘടനകളുടെ പ്രതിനിധികളുമായും ചര്‍ച്ച നടത്തും. 

കേരളത്തിന്റെ ചുമതലയുള്ള എ.ഐ.സി.സി ജനറല്‍ സെക്രട്ടറി താരിഖ് അന്‍വര്‍ കഴിഞ്ഞ ദിവസങ്ങളില്‍ കേരളത്തില്‍ തങ്ങി കെ.പി.സി.സി നേതാക്കളുമായും യു.ഡി.എഫ് ഘടകകക്ഷി നേതാക്കളുമായും ആശയവിനിമയം നടത്തിയിരുന്നു.