തൃശൂര്‍: കേരള പ്രീമിയര്‍ ലീഗ് ഫുട്‌ബോള്‍ ഫൈനല്‍ മത്സരം ഇന്ന് വൈകിട്ട് നാലിന് കോര്‍പ്പറേഷന്‍ സ്റ്റേഡിയത്തില്‍ നടക്കുമെന്ന് കേരള ഫുട്‌ബോള്‍ അസോസിയേഷന്‍ വൈസ് പ്രസിഡന്റ് കെ.പി. സണ്ണി വാര്‍ത്താസമ്മേളനത്തില്‍ അറിയിച്ചു. തൃശൂര്‍ എഫ്.സിയും കെ.എസ്.ഇ.ബിയും തമ്മിലാണ് മത്സരം.  വിജയികള്‍ക്ക് രണ്ടുലക്ഷം രൂപയുടെ ക്യാഷ് പ്രൈസും റണ്ണറപ്പിനു ഒരു ലക്ഷം രൂപയുടെ ക്യാഷ് പ്രൈസും  ഉണ്ടാവും. സെമിയില്‍ മലപ്പുറം ഗോകുലം എഫ്.സിയെ സഡന്‍ ഡെത്തില്‍ 6-5നു തോല്‍പ്പിച്ചാണ് തൃശൂര്‍ എഫ്.സി. ഫൈനലിലെത്തിയത്. സാറ്റ് ടീമിനെ പെനാല്‍ട്ടി ഷൂട്ടൗട്ടില്‍ 4-1ന് തോല്‍പ്പിച്ചാണ് കെ.എസ്.ഇ.ബി. ഫൈനല്‍ പ്രവേശനം ഉറപ്പാക്കിയത്.