മ്യൂണിക്ക്: ജര്‍മനിയുടെ കായിക സംസ്‌കാരം മികച്ചതാണെന്നും മികച്ച കളിക്കാരെ വളര്‍ത്തിയെടുക്കാന്‍ ജര്‍മനിക്ക് സാധിക്കുന്നുണ്ടെന്നും പ്രധാനമന്ത്രി നരേന്ദ്ര മോദി.
ജര്‍മനിയിലെ പ്രമുഖ ഫുട്‌ബോള്‍ ലീഗായ ബുണ്ടസ് ലീഗയ്ക്ക് ഇന്ത്യയില്‍ നിരവധി ആരാധകരുണ്ടെന്ന് മോദി വ്യക്തമാക്കി. അതോടൊപ്പം നിലവിലെ ലോകകപ്പ് ജേതാക്കളായ ജര്‍മനിയെ അഭിനന്ദിക്കാനും മോദി തയ്യാറായി.
അതേസമയം ഫുട്‌ബോളില്‍ ഇന്ത്യക്ക് മുന്നേറാന്‍ ജര്‍മനിയുടെ സഹകരണം ആവശ്യമാണെന്ന് പ്രധാനമന്ത്രി സൂചിപ്പിച്ചു. ഫുട്‌ബോളില്‍ ഇന്ത്യ ജര്‍മനിയുടെ പാത പിന്തുടരണം. മികച്ച കായിക സംസ്‌കാരമാണ് നിങ്ങളുടേത്. ഫുട്‌ബോളില്‍ അതുവഴി ഇന്ത്യക്ക് മുന്നേറാന്‍ സാധിക്കും. ബുണ്ടസ്‌ലീഗയ്ക്ക് നിത്യേന ആരാധകര്‍ വര്‍ധിക്കുകയാണെന്നും മോദി കൂട്ടിച്ചേര്‍ത്തു.