ദോഹ: നീണ്ട ഇടവേളക്ക് ശേഷം ഖത്തറില്‍ ഇന്ധന വില കുറയുന്നു. സൂപ്പര്‍ ഗ്രേഡ് പെട്രോളിനും ഡീസലിനുമാണ് വില കുറയുക. റമദാനില്‍ വാഹന യാത്രക്കാര്‍ക്ക് ആശ്വസമേകുന്നതാണ് തീരുമാനം. അതേസമയം, പ്രീമിയം ഗ്രേഡ് പെട്രോളിന്റെ വില മെയ് മാസത്തെ നിലയില്‍ തുടരും.
സൂപ്പര്‍ ഗ്രേഡ് പെട്രോളിന്റെ പുതിയ വില ലിറ്ററിന് 1.65 റിയാലാണ്. മെയ് മാസത്തെ വിലയില്‍ നിന്ന് 5 ദിര്‍ഹം ആണ് കുറഞ്ഞിരിക്കുന്നത്. ഡീസലിന് അഞ്ച് ദിര്‍ഹം കുറഞ്ഞ് ലിറ്ററിന് 1.55 റിയാല്‍ ആവും. ഏപ്രില്‍-മെയ് മാസങ്ങളില്‍ മന്ത്രാലയം സൂപ്പര്‍, പ്രീമിയം പെട്രോളുകളുടെ വില വര്‍ധിപ്പിച്ചിരുന്നില്ല. എന്നാല്‍ ഡീസലിന് ഏപ്രിലില്‍ അഞ്ച് ദിര്‍ഹം വര്‍ധിപ്പിച്ചിരുന്നു.