കൊല്ലം: തമിഴ്‌നാട്ടിലെ ദിണ്ടിഗലില്‍ നിന്നും വില്‍പ്പനയ്ക്കായി കൊണ്ടുവന്ന 32 പൊതി കഞ്ചാവുമായി രണ്ട് യുവാക്കള്‍ അറസ്റ്റില്‍. കരുനാഗപ്പള്ളി തഴവ മാടന്‍ചേരി ഏഴിലേത്ത് വീട്ടില്‍ സുഫല്‍(19), തഴവ നാദിര്‍ഷാ മന്‍സിലില്‍ നാദിര്‍ഷാ (19) എന്നിവരെയാണ് കൊല്ലം എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ഐ. നൗഷാദിന്റെ നേതൃത്വത്തില്‍ അറസ്റ്റ് ചെയ്തത്. സുഫലിനെ കൊല്ലം റെയില്‍വേ സ്റ്റേഷന്‍ പരിസരത്തുനിന്നും നാദിര്‍ഷായെ കൊല്ലം കെ.എസ്.ആര്‍.ടി.സി ബസ് സ്റ്റാന്റിന് സമീപത്തുനിന്നുമാണ് അറസ്റ്റ് ചെയ്തത്. ദിണ്ടിഗലില്‍ നിന്നും 200 രൂപാ നിരക്കില്‍ വാങ്ങുന്ന കഞ്ചാവ് നാട്ടില്‍കൊണ്ടുപോയി സുഹൃത്തുക്കള്‍ക്കും മറ്റും 600 രൂപാ നിരക്കില്‍ വില്‍പ്പന നടത്താറുണ്ടെന്ന് പ്രതികള്‍ പറഞ്ഞു. കോടതിയില്‍ ഹാജരാക്കിയ പ്രതികളെ റിമാന്റ് ചെയ്തു. സിവില്‍ എക്‌സൈസ് ഓഫിസര്‍മാരായ എവര്‍സന്‍ ലാസര്‍, ദിലീപ് കുമാര്‍, അനീഷ്, രഞ്ജിത്, അനില്‍ എന്നിവരും റെയ്ഡില്‍ പങ്കെടുത്തു.