ഗയാന: വെസ്റ്റ് ഇന്‍ഡീസില്‍ പര്യടനം നടത്തുന്ന ഇന്ത്യന്‍ എ ടീമിന് ടെസ്റ്റില്‍ ജയം. വിന്‍ഡീസില്‍ നടന്ന ആദ്യ ടെസ്റ്റില്‍ ആറ് വിക്കറ്റിനാണ് ഇന്ത്യ വെസ്റ്റ് ഇന്‍ഡീസിനെ തകര്‍ത്തത്. വെസ്റ്റ് ഇന്‍ഡീസ് മുന്നോട്ടുവച്ച 97 റണ്‍സ് വിജയലക്ഷ്യം പിന്തുടര്‍ന്ന് ഇറങ്ങിയ ഇന്ത്യ മൂന്നാം ദിനം കളിപിരിയുമ്പോള്‍ ഒരു വിക്കറ്റിന് 29 റണ്‍സെന്ന നിലയിലായിരുന്നു. ആദ്യം 5 റണ്‍സിന് പ്രിയങ്ക് പാഞ്ചാലിന്റെ വിക്കറ്റ് ഇന്ത്യക്ക് നഷ്ടമായി. 35 പന്തില്‍ 27 റണ്‍സുമായി അഭിമന്യു ഈശ്വറും പുറത്തായി.

ക്യാപ്റ്റന്‍ ഹനുമാ വിഹാരി 55 പന്തില്‍ 19 റണ്‍സുമായി പുറത്തായി. 40 പന്ത് നേരിട്ട ശ്രീകാര്‍ ഭരത് 28 റണ്‍സുമായി പുറത്തായി. 9 റണ്‍സുമായി വൃദ്ധിമാന്‍ സാഹയും നാല് റണ്‍സുമായി ശിവം ഡുബെയും പുറത്താകാതെ നിന്നു. സാഹ-ഡുബെ സഖ്യമാണ് ഇന്ത്യയുടെ വിജയറണ്‍ കുറിച്ചത്. എട്ട് വിക്കറ്റിന് 299 എന്ന നിലയില്‍ ഒന്നാം ഇന്നിങ്‌സ് പുനരാരംഭിച്ച ഇന്ത്യ 312 റണ്‍സിന് ഓള്‍ഔട്ടായി. ഒന്നാം ഇന്നിങ്‌സില്‍ 84 റണ്‍സ് ലീഡും ഇന്ത്യ സ്വന്തമാക്കി. ലീഡ് വഴങ്ങി രണ്ടാം ഇന്നിങ്‌സിനിറങ്ങിയ വെസ്റ്റ് ഇന്‍ഡീസിന്റെ ചെറുത്ത് നില്‍പ്പ് 180 റണ്‍സില്‍ അവസാനിച്ചു.രണ്ട@ാം ഇന്നിങ്‌സിലും അഞ്ച് വിക്കറ്റ് പ്രകടനം ആവര്‍ത്തിച്ച ഷഹബാസ് നദീമാണ് ആതിഥേയരുടെ അന്തകനായത്. മുഹമ്മദ് സിറാജ് മൂന്നും ശിവം ദുബെ ഒരു വിക്കറ്റും വീഴ്ത്തി മികച്ച പിന്തുണയേകി. വെസ്റ്റ് ഇന്‍ഡീസിനുവേ@ണ്ടി ക്യാപ്റ്റന്‍ ബ്രോക്‌സ് (53) അര്‍ധ സെഞ്ചുറി നേടി.റോഷ്ടണ്‍ ചേസ് (32),ബ്ലാക്ക്‌വുഡ് (25) എന്നിവരും ഭേദപ്പെട്ട പ്രകടനം കാഴ്ചവച്ചു.