നെടുമങ്ങാട്: കെ.എസ്.ആര്‍.ടി.സി ബസ് ബൈക്കിലിടിച്ച് യുവാവ് മരിച്ചു.ഒപ്പമുണ്ടായിരുന്നയാള്‍ക്കു ഗുരുതരമായി പരുക്കേറ്റു.നെടുമങ്ങാട് കൊടിപ്പുറം ധനുസില്‍ പരേതനായ വേലപ്പന്റെയും സരസ്വതി അമ്മയുടെയും മകന്‍ അഗര്‍ലാല്‍ (24) ആണ് മരിച്ചത്.
ബൈക്കോടിച്ചിരുന്ന കരുപ്പൂര്‍ സ്വദേശി വിഷ്ണു(24)വിനാണ് പരുക്കേറ്റത്. ഇന്നലെ രാവിലെ ഏഴിന് വെമ്പായത്തിനു സമീപം തേക്കട ജങ്ഷനിലായിരുന്നു അപകടം.
ഇരുവരും കൊല്ലത്തേക്കു പോവുകയായിരുന്നു.തേക്കട ജങ്ഷനില്‍വെച്ച് പുറകേ അമിത വേഗത്തിലെത്തിയ കെ.എസ്.ആര്‍.ടി.സി ബസ് ഇവര്‍ സ#്ചരിച്ചിരുന്ന ബൈക്കിനെ ഇടിച്ചു തെറിപ്പിക്കുകയായിരുന്നു. അഗര്‍ലാല്‍ സംഭവ സ്ഥലത്തു തന്നെ മരിച്ചു. വിഷ്ണുവിനെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.  അഗര്‍ലാലിന്റെ മൃതദേഹം പോസ്റ്റ്‌മോര്‍ട്ടത്തിനു ശേഷം വീട്ടുവളപ്പില്‍ സംസ്‌കരിച്ചു.സഹോദരങ്ങള്‍:ധന്യ (താലൂക്ക് ഓഫിസ്, നെടുമങ്ങാട്),അരുണ്‍ലാല്‍.