നീലേശ്വരം: പടന്നക്കാട് നെഹ്‌റു ആര്‍ട്‌സ് ആന്‍ഡ് സയന്‍സ് കോളജ് എന്‍.സി.സി യൂനിറ്റിന്റെ നേതൃത്വത്തില്‍ ലോക പുകവലി വിരുദ്ധ ദിനത്തില്‍ പുകവലി വിരുദ്ധ സന്ദേശവുമായി രംഗോലി തീര്‍ത്തു. വിദ്യാര്‍ഥികളില്‍ ലഹരി വിരുദ്ധ സന്ദേശം പരത്തുക എന്ന ലക്ഷ്യത്തോടെ പ്രശസ്ത ചിത്രകാരന്‍ പ്രഭന്‍ നീലേശ്വരത്തിന്റെ നേതൃത്വത്തിലാണ് പുകവലിയുടെ അപകടങ്ങള്‍ വരച്ചുകാട്ടി വിവിധ വര്‍ണങ്ങളില്‍ രംഗോലി തീര്‍ത്തത്. എന്‍.സി.സി കാഡറ്റുകള്‍ രംഗോലി ഒരുക്കുന്നതില്‍ പ്രഭനെ സഹായിച്ചു. പ്രിന്‍സിപ്പല്‍ ഡോ. പി.വി പുഷ്പജ പുകവലി വിരുദ്ധ ദിനാചരണം ഉദ്ഘാടനം ചെയ്തു.
അസോസിയേറ്റ് എന്‍.സി.സി ഓഫിസര്‍ ലഫ്റ്റനന്റ് നന്ദകുമാര്‍ കോറോത്ത് അധ്യക്ഷനായി. ഋഷികേശ് , സീനിയര്‍ അണ്ടര്‍ ഓഫിസര്‍ ആര്യഗോപിക സംസാരിച്ചു. പുകയില വിരുദ്ധ പ്രതിജ്ഞയുമെടുത്തു.