പ്രതികള്‍ എസ്.ഡി.പി.ഐക്കാരെന്നു പൊലിസ്

കണ്ണൂര്‍: കണ്ണൂര്‍ സിറ്റി ആദികടലായിയില്‍ യുവാവിനെ വെട്ടിക്കൊലപ്പെടുത്തിയ കേസില്‍ പ്രതികളെ പൊലിസ് തിരിച്ചറിഞ്ഞു. ആദി കടലായിയിലെ റഊഫ് എന്ന കട്ട റഊഫിനെ കൊലപ്പെടുത്തിയ സംഘത്തിയ എട്ടു പേരെയാണ് അന്വേഷണ സംഘം തിരിച്ചറിഞ്ഞത്. ഇവരെ കൂടാതെ ഗൂഢാലോചന നടത്തിയവരെക്കുറിച്ചും പൊലിസിനു സൂചന ലഭിച്ചു. അതേ സമയം കൊല നടത്തിയത് എസ്.ഡി.പി.ഐ പ്രവര്‍ത്തകരാണെന്നു പൊലിസ് സ്ഥിരീകരിച്ചു.
പ്രതികളുടെ വീട്ടില്‍ നടത്തിയ റെയ്ഡില്‍ ആരെയും പിടകൂടാന്‍ കഴിഞ്ഞിട്ടില്ല. എസ്.ഡി.പി.ഐ പ്രവര്‍ത്തകന്‍ ഫാറൂഖ് വധക്കേസില്‍ പ്രതിയായ റഊഫ് കഴിഞ്ഞ തിങ്കളാഴ്ച രാത്രിയാണു വെട്ടേറ്റു മരിച്ചത്.