മലപ്പുറം: തിരൂര്‍ സ്വദേശി ഹുസ്‌നുല്‍ നിസാം മലപ്പുറം ജില്ലാ യൂത്ത് ചെസ് അണ്ടര്‍ 25 ചാമ്പ്യനായി. തിരൂരിലെ വ്യാപാരി അഹമ്മദ് ഹുസൈന്റെയും നുസ്രത്തിന്റെയും മകനാണു ഹുസ്‌നുല്‍ നിസാം. പുത്തനങ്ങാടി സെന്റ് മേരീസ് കോളജിലെ ബി.കോം ഒന്നാംവര്‍ഷ വിദ്യാര്‍ഥിയാണ് . നയന്‍ മേഘ കെ.എ. (വണ്ടൂര്‍), നന്ദഗോപ സച്ചിന്‍ ടി.കെ (കൊണ്ടോട്ടി), വിശ്വജിത്ത് ടി (പരപ്പനങ്ങാടി), എന്നിവര്‍ രണ്ടു മുതല്‍ നാലു വരെ സ്ഥാനങ്ങള്‍ കരസ്ഥമാക്കി. ഇവര്‍ നാലു പേര്‍ക്കും 6,7 തീയതികളില്‍ തൃശൂരില്‍ നടക്കുന്ന സംസ്ഥാന ചാംപ്യന്‍ഷിപ്പില്‍ മലപ്പുറം ജില്ലയെ പ്രതിനിധീകരിച്ചു പങ്കെടുക്കും.
രാവിലെ 10 നു പ്രശാന്ത് ഓഡിറ്റോറിയത്തില്‍ ആരംഭിച്ച മത്സരത്തില്‍ ജില്ലയുടെ വിവിധ ഭാഗങ്ങളില്‍ നിന്നായി 40 കളിക്കാര്‍ മത്സരത്തില്‍ പങ്കെടുത്തു. മലപ്പുറം ഡെപ്യൂട്ടി ഡി.എം.ഒ ഡോക്ടര്‍ ഷിബു ലാല്‍ ടൂര്‍ണമെന്റ് ഉദ്ഘാടനം ചെയ്തു. ബിനേഷ് ശങ്കര്‍, ജമാല്‍ മുഹമ്മദ്, സലീം പന്തക്കന്‍, കെ ബാലകൃഷ്ണന്‍, രാമകൃഷ്ണന്‍ ടി.വി. ദേവാനന്ദ് കെ.സി, സാദിഖലി, ശിഹാബ് വി.കെ എന്നിവര്‍ സംസാരിച്ചു. ചീഫ് ആര്‍ബിറ്റര്‍ ഗോവിന്ദന്‍ കുട്ടി (ഫിഡെ ആര്‍ബിറ്റര്‍) ടൂര്‍ണമെന്റ് നിയന്ത്രിച്ചു.
വിജയികള്‍ക്കുള്ള സമ്മാനദാനം മലപ്പുറം ഹെല്‍ത്ത് ഇന്‍സ്‌പെക്ടര്‍ ദേവാനന്ദ് കെ.സി. നിര്‍വഹിച്ചു. ടൂര്‍ണമെന്റ് കോഓഡിനേറ്റര്‍ ബിനേഷ് ശങ്കര്‍ നന്ദി പ്രകാശിപ്പിച്ചു.