പാലക്കാട്: കാറിന്റെ ഡോര്‍പാനലുകളില്‍ ഒളിപ്പിച്ചു കടത്തിയ 23കിലോ ഹാഷിഷ് ഓയില്‍ എക്‌സൈസ് എന്‍ഫോഴ്‌സ്‌മെന്റ് സ്‌ക്വാഡ്പിടികൂടി. സംഭവത്തില്‍ ഒരാളെ അറസ്റ്റ് ചെയ്തു.
ഇടുക്കി പാറത്തോട് കൊച്ചു എന്നു വിളിക്കുന്ന അനൂപ് ജോര്‍ജാണ് അറസ്റ്റിലായത്. മൂന്നു പേര്‍ ഓടി രക്ഷപ്പെട്ടു.
പാലക്കാട് - പൊള്ളാച്ചി റോഡില്‍ നോമ്പിക്കോട് എന്ന സ്ഥലത്തു വച്ച് ബുധനാഴ്ച രാത്രിയാണ് ഹാഷിഷ് പിടികൂടിയത്. ആന്ധ്ര രജിസ്‌ട്രേഷനുള്ള മാരുതി ഓള്‍ട്ടോ കാറിലാണ് ഹാഷിഷ് കടത്തിയത്.
സ്‌പെഷല്‍ സ്‌ക്വാഡിന്റെ ചുമതലയുള്ള സര്‍ക്കിള്‍ ഇന്‍സ്‌പെക്ടര്‍ ടി. അനികുമാര്‍, സ്‌ക്വാഡ് അംഗങ്ങളായ സര്‍ക്കിള്‍ ഇന്‍സ്‌പെക്ടര്‍ പി.കെ സതീഷ്, ഇന്‍സ്‌പെക്ടര്‍മാരായ കെ.വി വിനോദ്, എം.സജീവ് കുമാര്‍, അസിസ്റ്റന്റ് ഇന്‍സ്‌പെക്ടര്‍ ടി.ആര്‍ മുകേഷ് കുമാര്‍, ഷൗക്കത്ത് അലി, സി. സെന്തില്‍കുമാര്‍, എ. ജസീം, പി. സുബിന്‍, ടി.എസ് അനില്‍കുമാര്‍, എസ്.രാജേഷ് എന്നിവരടങ്ങുന്ന സംഘമാണ് ഹാഷിഷ് പിടികൂടിയത്.
അന്താരാഷ്ട്ര വിപണിയില്‍ 22 കോടി രൂപ വിലമതിക്കുമെന്ന് എക്‌സൈസ് അധികൃതര്‍ പറഞ്ഞു.