പൂച്ചാക്കല്‍:  സെക്കന്‍ഡുകളുടെ വ്യത്യാസത്തില്‍ ജനിച്ച മൂവര്‍സംഘം ഒരുമിച്ച് ഇനി ഒന്നാം ക്ലാസില്‍. പൂച്ചാക്കല്‍ പുതുവല്‍നികര്‍ത്ത് ജയന്‍ കൃഷ്ണാജ്ഞന ദമ്പതികളുടെ മക്കളായ ആകാശ് കൃഷ്ണ, അദ്വൈത് കൃഷ്ണ, അര്‍ജുന്‍ കൃഷ്ണ എന്നിവരാണ്
പൂച്ചാക്കല്‍ തേവര്‍വട്ടം ഗവ. എച്ച്.എസ്.എസില്‍ ഒന്നാം ക്ലാസില്‍ പ്രവേശനം നേടിയിരിക്കുന്നത്. എല്‍.കെ.ജിയും യു.കെ.ജിയും ഇവിടെ തന്നെയായിരുന്നു. 2011 മാര്‍ച്ച് 28ന് ആയിരുന്നു സെക്കന്‍ഡുകളുടെ വ്യത്യാസത്തില്‍ ഇവരുടെ ജനം.
കോട്ടയം മെഡിക്കല്‍ കോളജ് ആശുപത്രിയില്‍ സിസേറിയനായിരുന്നു. മൂന്നുപേരെയും ഒറ്റകാഴ്ചയില്‍ പെട്ടെന്നു തിരിച്ചറിയാന്‍ പറ്റില്ലെങ്കിലും ചെറിയ വ്യത്യാസങ്ങളുണ്ട്. വിവാഹത്തിനു മൂന്നു വര്‍ഷത്തിനു ശേഷമാണ് മൂന്നുപേരെ ഒരുമിച്ചു ദൈവം നല്‍കിയതെന്നു ജയനും കൃഷ്ണാജ്ഞനയും പറയുന്നു.