ചവറ: കോളജ് യൂനിയന്‍ തെരഞ്ഞെടുപ്പുമായി ബന്ധപ്പെട്ട് ചവറ ബേബിജോണ്‍ സ്മാരക സര്‍ക്കാര്‍ കോളജില്‍ ഉണ്ടായ സംഘര്‍ഷത്തെ തുടര്‍ന്ന് നിരവധി വിദ്യാര്‍ഥികള്‍ക്കും യുവജന നേതാക്കള്‍ക്കും പരുക്കേറ്റു.
ഇന്നലെ നടന്ന തെരഞ്ഞെടുപ്പില്‍ എസ്.എഫ്.ഐ പ്രവര്‍ത്തകര്‍ വിജയാഹ്ലാദ പ്രകടനം നടത്തുന്നതിനിടയില്‍ എ.ഐ.എസ്.എഫ് പ്രവര്‍ത്തകരുമായി ശങ്കരമംഗലത്ത് ജങ്ഷനില്‍ ചെറിയ രീതിയില്‍ നടന്ന വാക്കേറ്റം സംഘര്‍ഷത്തില്‍ കലാശിച്ചു.
ഇവരെ പിന്‍തിരിപ്പിക്കാന്‍ പൊലിസ് ശ്രമം നടത്തുന്നതിനിടയില്‍ വിദ്യാര്‍ഥികളുടെ ഭാഗത്ത് നിന്ന് കല്ലേറ് ഉണ്ടായി. തുടര്‍ന്ന് പൊലിസ് ലാത്തി വീശുകയായിരുന്നു.ഇതിനെ തുടര്‍ന്ന് കെ.എസ്.യു, എസ്.എഫ്.ഐ, എ.ഐ.എസ്.എഫ്, എ.ബി.വി.പി സംഘടനയില്‍പ്പെട്ട വിദ്യാര്‍ഥികളും യുവജന നേതാക്കള്‍ക്കളുമായ രതീഷ്, സുരാജ്, ശ്രീരാജ്, അനന്ദു, അതുല്‍ എസ്. പി, ആദി ശാന്ത്, പ്രതീഷ്, അര്‍ജുന്‍, വിഷ്ണു മുരളി എന്നിവര്‍ക്കാണ് പരുക്കേറ്റത്. പൊലിസുകാര്‍ക്കും കല്ലേറില്‍ പരുക്കേറ്റു.