തിരുവനന്തപുരം: സ്‌കൂള്‍ പ്രവേശനോത്സവത്തിന്റെ സംസ്ഥാനതല ഉദ്ഘാടനം തിരുവന്തപുരം ഊരൂട്ടമ്പലം ഗവണ്‍മെന്റ് സ്‌കൂളില്‍ മുഖ്യമന്ത്രി പിണറായി വിജയന്‍ നിര്‍വഹിച്ചു. വിദ്യാഭ്യാസ മന്ത്രി സി.രവീന്ദ്രനാഥും പങ്കെടുത്തു. മൂന്നര ലക്ഷത്തോളം കുരുന്നുകളാണ് ഇത്തവണ അക്ഷരമുറ്റത്തേക്ക് പിച്ചവെച്ചത്.

[caption id="attachment_341889" align="aligncenter" width="600"] മുണ്ടംപറമ്പ് AMLPS[/caption]

 

ഊരൂട്ടമ്പലം ഗവണ്‍മെന്റ് സ്‌കൂളില്‍ പുതുതായി വരുന്ന കുട്ടികളെ വിദ്യാഭ്യാസ മന്ത്രി സി. രവീന്ദ്രനാഥ് കഥ പറഞ്ഞും ക്ലാസെടുത്തുമാണ് എതിരേറ്റത്. പൊതു വിദ്യാഭ്യാസ സംരക്ഷണയജ്ഞത്തിന് തുടക്കം കുറിച്ചതിനുശേഷമുള്ള ആദ്യത്തെ പ്രവേശനോത്സവമാണ് ഇന്ന് നടക്കുന്നത്. സംസ്ഥാനത്തെ 12,000 സര്‍ക്കാര്‍, എയ്ഡഡ് സ്‌കൂളുകളും പുതിയ അധ്യയനവര്‍ഷത്തിന് തുടക്കംകുറിച്ചുകൊണ്ടുള്ള പ്രവേശനോത്സവമാണ് നടക്കുന്നത്.

[caption id="attachment_341888" align="aligncenter" width="600"] കൂലേരി ജി എൽ പി സ്കൂളിൽ നടന്ന പ്രവേശനോൽസവത്തിൽ നിന്ന്[/caption]

 

ഒന്നു മുതല്‍ പത്തുവരെ ക്ലാസുകളിലായി 34 ലക്ഷത്തോളം വിദ്യാര്‍ഥികളാണ് അക്ഷര മുറ്റത്ത് എത്തുന്നത്. ഹയര്‍ സെക്കന്‍ഡറി കൂടി ചേര്‍ത്താല്‍ 43 ലക്ഷമാകും.

സ്‌കൂളുകള്‍ മിക്കതും ഹൈടെക് ആയികഴിഞ്ഞു. ശേഷിക്കുന്ന സ്‌കൂളുകളില്‍ കംപ്യൂട്ടറുകള്‍ സ്ഥാപിക്കുന്നതിനുള്ള നടപടികളും നടന്നുവരുന്നു.

[caption id="attachment_341887" align="aligncenter" width="600"] കോങ്ങാട് യു.പി സ്കൂളിലെ പ്രവേശനോത്സവത്തില്‍ നിന്നും[/caption]

 

എല്ലാ വിദ്യാലയങ്ങളിലും പ്ലാസ്റ്റിക് പാത്രങ്ങളില്‍ ഭക്ഷണവും വെള്ളവും കൊണ്ടുവരുന്നതിനു പൊതുവിദ്യാഭ്യാസവകുപ്പ് വിലക്ക് ഏര്‍പ്പെടുത്തിയിട്ടുണ്ട്. പ്ലാസ്റ്റിക് പാത്രങ്ങള്‍ക്കു പകരം സ്റ്റെയിന്‍ലസ് സ്റ്റീല്‍ പാത്രങ്ങള്‍ ഉപയോഗിക്കണമെന്നാണ് നിര്‍ദേശം.

[caption id="attachment_341890" align="aligncenter" width="600"] കോങ്ങാട് യു.പി സ്കൂളിലെ പ്രവേശനോത്സവത്തില്‍ നിന്നും[/caption]